Ва ўпраўленні па барацьбе з арганізаванай злачыннасцю і карупцыяй Генеральнай пракуратуры Узбекістана распавялі, што актывы АЗГ, куды, па іх сцвярджэнні, уваходзіла Карымава, знойдзеныя на тэрыторыі 12 замежных краін — грошы і вілы ў Швейцарыі, рахункі ў Швецыі, дамы і рахункі ў Вялікабрытаніі, у Францыі — кватэры і замак Шато-дэ-Грусэ, а таксама вілы і гэтак далей.
Tut.by сабраў здымкі і гісторыю французскага замка Гюльнары — Château de Groussay.
Шато-дэ-Грусэ (на фота) — велізарны маёнтак паблізу Парыжа з замкам, асабістым оперным тэатрам, паркам, павільёнамі, стайнямі і інш.
Як адзначаецца на афіцыйным сайце замка Шато-дэ-Грусэ, ён знаходзіцца за 50 км ад Парыжа і быў пабудаваны ў 1815 годзе для герцагіні Шаро, дачкі мадам дэ Турзель, гувернанткі дзяцей караля Людовіка XVI і Марыі-Антуанеты. Замак быў пашыраны ў 1952 г. двума крыламі, адно з якіх стала тэатрам. Замак і прылеглы парк былі абвешчаныя гістарычным помнікам у 1993 годзе.
Замак знутры — збор артэфактаў.
З 1938 года замак належаў калекцыянеру Шарлю дэ Бестэгі. Менавіта Бестэгі запоўніў дом дзіўнымі артэфактамі. У 1999 годзе змесціва дома і некаторыя паркавыя павільёны прадалі з аўкцыёну Sotheby's.
У 1999 годзе Гульнары Карымавай было 27 гадоў, яе бацька быў да таго часу 9 гадоў кіраўніком Узбекістана. Але ці яна купіла замак, ці яна другі пакупнік — нідзе не ўдакладняецца.
Каментары