02.08.2017 / 16:47

З падручнікаў выкрасляць вытворную і пэўна-асабовыя сказы — якія тэмы больш не будуць вывучацца ў школе вы ўхваляеце змены? 30

Намеснік дырэктара Нацыянальнага інстытута адукацыі Вольга Зелянко агучыла, якія змены ўнеслі ў новую школьную праграму. Мяркуецца, што нагрузка на школьнікаў зменшыцца.

Фота Сяргея Гудзіліна.

Што тычыцца складаных тэм, якія цяжка засвойваюцца вучнямі, то іх альбо перанеслі ў старэйшыя класы, альбо пакінулі для паглыбленага вывучэння.

Вольга Зелянко прывяла тры канкрэтныя прыклады.

Біялогія

У звычайным базавым курсе біялогіі больш не будзе раздзелаў «Паводзіны як вынік эвалюцыі» і «Структурная арганізацыя і рэгуляцыя функцый жывых арганізмаў». Іх будуць вывучаць толькі на павышаным узроўні.

Матэматыка

У матэматыцы праходзіць «Вытворную» таксама будуць толькі тыя, хто вывучаюць прадмет паглыблена.

Беларуская мова

Памятаеце з курса беларускай мовы, як адрозніць пэўна-асабовы сказ ад няпэўна-асабовага — віды аднасастаўнага сказа? Вырашана, што сучаснаму школьніку гэта ведаць не асабліва і патрэбна, паколькі цяжка сказаць, якая ў гэтым веданні практычная скіраванасць. Ад вучня будзе патрабавацца, каб ён проста адрозніваў аднасастаўны сказ ад двухсастаўнага.

Сярод новаўвядзенняў і тое, што цяпер будуць менш патрабаваць зубрыць, завучваць складаныя фармулёўкі.

Узяць, да прыкладу, тэму ў курсе беларускай мовы «Сэнсава-стылістыстычная роля і тэкстаўтваральныя магчымасці слоў розных часцін мовы». Цяпер яе будуць вывучаць праз практычны разбор тэкстаў розных стыляў, тыпаў і жанраў маўлення.

Таксама з праграмы прыбралі тэмы, якія фактычна дубляваліся ў розных прадметах.

nn.by

9
анон / Адказаць
02.08.2017 / 16:54
Жах
9
Ахрэм / Адказаць
02.08.2017 / 16:58
Наконт вытворнай згодзен - яна і не ўсім вузаўцам спатрэбіцца. Інтэграл таксама можна было б прыбраць - гэта усё вузкі профіль, у жыцці не спатрэбіцца, калі вы не адмысловец. А вось мову трэба вучыць дасканала - пісьменнасць - аснова выхавання. Таму мове трэба удзяляць багата часу. Я б увёў 3 мовы па колькасці часоў - беларуская, ангельская/нямецкая/французская/кітайская, расейская. Расейская на трэцім месцы таму што яна падобная да беларускай. Беларуская на першым, таму што гэта - родная мова і аснова беларускай культуры, якая нас усіх яднае у нацыю і дзяржаву.
0
Зьвяга / Адказаць
02.08.2017 / 17:02
Адзін вядомы Мікалай рыхтуецца вучыцца ў старэйшых клясах - то хутка будуць выключаць і яшчэ шмат што...
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру