03.08.2017 / 17:22

У Гомелі прарвала трубу, слуп вады падняўся вышэй за дзевяціпавярховік ВІДЭА 5

Сёння ў абедзенны час жыхары вуліцы Мазурава ў Гомелі назіралі эфектны вадзяны слуп вышынёй з дзевяціпавярховы дом. Доўжылася водная феерыя прыкладна каля чатырох хвілін. Tut.by даведаўся, што здарылася.

Як высветлілася, гомельскія гарадскія цепласеткі праводзілі планавыя гідраўлічныя выпрабаванні на трываласць і шчыльнасць цепласеткі павышаным ціскам. Робіцца гэта, каб вызначыць так званыя слабыя месцы.

«Такія парывы падчас выпрабаванняў — нармальная з'ява, звычайна іх дзясяткі. Але не ўсе такія эфектныя, — паведамілі на прадпрыемстве. Ніхто падчас форс-мажору не пацярпеў. Вада перад тым, як павышаць ціск у трубах, паводле інструкцыі, папярэдне астуджаецца да 40 градусаў.

Цяпер спецыяльная камісія з работнікаў Гомельскіх цеплавых сетак абыходзіць жыхароў кватэр, у якія магла праз адкрытыя вокны патрапіць вада, высвятляе інфармацыю пра страты. Дарэчы, усе выпадкі будуць страхавымі.

1
Джон Жарптушкін / Адказаць
03.08.2017 / 19:04
Прарвала б каналізацыю - было б горш. Увявіце слуп г-на.
1
Сергей / Адказаць
03.08.2017 / 20:25
Актуально. Кто будет курить на балконах, получит вот так )))
1
Centurion / Адказаць
03.08.2017 / 20:41
Джон Жарптушкін, будзе і на вашай вуліцы сьвята - выпрабаваньні каналізацыі, тады зацэніце тое, пра што зараз напісалі )) 
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру