03.08.2017 / 18:33

Пад Ваўкавыскам п'яны ліхач сыходзіў ад пагоні і пратараніў машыну з дзецьмі 7

Два дзіцяці апынуліся ў бальніцы з-за дзеянняў п'янага кіроўцы на «Аўдзі», паведамілі ў УДАІ УУС Гродзенскага аблвыканкама.

gaigrodno.by

Міліцыянтам паведамілі, што з п. Краснасельскі ў бок Ваўкавыска рухаецца меркавана нецвярозы кіроўца. Неўзабаве супрацоўнікі ДАІ выявілі падазроны «Аўдзі». Кіроўца на сігналы аб спыненні не адрэагаваў і паспрабаваў уцячы ад пераследу.

«Каля в. Лічыцы ліхач няўдала пайшоў на абгон. У выніку сутыкнення спадарожны «Фольксваген» вылецеў у кювет. На заднім сядзенні машыны ехалі бабуля і двое ўнукаў», — распавялі ў ДАІ. Дзяцей — дзяўчынку і хлопчыка 10 і 14 гадоў — шпіталізавалі.

За адмову ад медагляду, невыкананне неаднаразовых патрабаванняў аб спыненні і аказанне непадпарадкавання на зламысніка, які меў відавочныя прыкметы алкагольнага ап'янення, складзеныя пратаколы. Акрамя таго, паводле пастановы суда, ліхач правядзе 10 сутак у ізалятары часовага ўтрымання.

4
Пересмешник / Адказаць
03.08.2017 / 19:04
Аудисты наглее всех!
0
Вучань / Адказаць
03.08.2017 / 19:06
Такім толькі пажыццёвая канфіскацыя праў і аўто.
0
Libertarian / Адказаць
04.08.2017 / 01:39
Пересмешник,бмвшнікі таксама не адстаюць, асаблів ан ачорных бумерах 
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру