Рэалізацыя інвестыцыйнага праекта «Будаўніцтва завода каробак перадач» падоўжана да 2021 года. Адпаведны загад Аляксандра Лукашэнкі ад 1 жнiўня №272 апублікаваны на Нацыянальным прававым інтэрнэт-партале, паведамляе БелТА.
Дакумент уносіць змены ва ўказ ад 10 красавiка 2014 года №157, у адпаведнасці з якім праект мусіў быць рэалізаваны за 2014-2017 гады на тэрыторыі Мінскага раёна.
Цяперашні інвестпраект уключае будаўніцтва завода па вытворчасці механічных, гідрамеханічных каробак перадач і элементаў электрамеханічных каробак перадач з неабходнай інжынернай і транспартнай інфраструктурай да яго, а таксама асваенне выпуску гэтай прадукцыі.
Будаўніцтва завода, выкананне навукова-даследчых і доследна-тэхналагічных работ, фінансаванне гаспадарчай дзейнасці таварыства, якое з'яўляецца заказчыкам па праектаванні і ўзвядзенні дадзенага прадпрыемства, будуць ажыццяўляцца за кошт сродкаў інавацыйнага фонду Мінскага гарвыканкама і іншых крыніц, не забароненых заканадаўствам.
Мінскаму гарвыканкаму даручана ў трохмесячны тэрмін прыняць рашэнне аб бязвыплатнай перадачы ва ўласнасць Беларусі 490 акцый ААТ «Завод гідрамеханічных перадач» намінальным коштам Br100 на агульную суму Br49 тысяч, якія знаходзяцца ва ўласнасці Мінска.
