«Губэрнатар Пэйлін – жорсткі кіраўнік, якая прадэманстравала пад час сваёй працы, што яна гатова быць прэзыдэнтам», — заявіў перавыбарчы штаб Маккейна.
44-гадовая Пэйлін стала губэрнатарам Аляскі два гады таму. Яна на тры гады маладзейшая, чым Абама.
Гэтае прызначэньне стала для многіх нечаканасьцю.
Сара Пэйлін трымаецца кансэрватыўных поглядаў: яна выступае супраць абортаў і зьяўляецца чальцом Нацыянальнай стралковай асацыяцыі.
Пэйлін замужам, мае пяцёра дзяцей. Апошні нарадзіўся ў красавіку гэтага году, ён пакутуе на сіндром Даўна.
Яшчэ да нараджэньня дзіцяці Пэйлін ведала, пра тое, што ў яго будзе сіндром Даўна, аднак адмовілася ад аборту.
Да свайго губэрнатарства місіс Пэйлін была мэрам маленькага гарадка непадалёк ад Анкорыджу. Сама вырасла там, выбіралася там каралевай прыгажосьці і да гэтага часу жыве ў гэтым гарадку.