50-гадовы італьянец з атлетычнай постаццю і багаццем татуіровак праславіўся як «мільянер-танцор».
Судовыя ўлады Італіі наклалі арышт на частку маёмасці мясцовага прадпрымальніка Джанлукі Вакі, які атрымаў агульнасусьветную вядомасць дзякуючы публікацыі ў сацсетках відэа з танцамі, паведамляе газета Corriere della Sera.
Арышт накладзены на вілы, яхты і акцыі, якія належаць Вакі. На такі крок у Італіі пайшлі з-за таго, што італьянец, які ўзяў крэдыт у 10,5 млн еўра ў банку Banco BPM, не вярнуў грошы.
Навіны пра фінансавыя праблемы Вакі выклікалі бурную рэакцыю італьянскіх карыстальнікаў сацсетак, прычым многія не хаваюць зласлівасці ў сувязі з яго праблемамі. Так, некаторыя італьянцы жартам прапануюць Вакі дапамогу ў пошуках нізкааплатнай працы.
Corriere della Sera адзначае, што афіцыйна гэты чалавек лічыцца прадпрымальнікам, аднак на справе бізнэсам не займаецца і аддае ўвесь час «раскручванню» свайго вобраза ў сацсетках: так, у Instagram у яго налічваецца каля 11 млн падпісчыкаў.
Багатым ён стаў дзякуючы сямейнаму бізнэсу па вытворчасці апаратаў па ўпакоўцы касметыкі, лекавых прэпаратаў, гарбаты і кавы. Пры гэтым сам Вакі не выконвае ніякіх рэальных функцый па кіраванні кампаніяй IMA, якая належыць яго сваякам.
