30.08.2008 / 21:36

Арлоў выдасьць наступную кнігу лацінкай 9

25 жніўня Ўладзімеру Арлову споўнілася 55 гадоў. Аўтар больш трох дзясяткаў кнігаў апошнім часам аддае перавагу не традыцыйным папяровым фаліянтам, а маленькім гукавым літаратурным дыскам. Але не абмяжоўваецца імі.

25 жніўня Ўладзімеру Арлову споўнілася 55 гадоў. Аўтар больш трох дзясяткаў кнігаў апошнім часам аддае перавагу не традыцыйным папяровым фаліянтам, а маленькім гукавым літаратурным дыскам. Тлумачыць ён жаданьне выдаваць свае творы ў выглядзе аўдыёкнігаў тым, што сучаснаму чалавеку няма часу чытаць мастацкую літаратуру, а на дысках ён можа слухаць абраныя творы ў аўто, мэтро і нават у басэйне ці ў рэчцы. Што робіць і сам пісьменьнік, вандруючы ў гэтыя дні па азёрнай Віцебшчыне. Адтуль па тэлефоне ён расказаў пра тое, што робіць у дні юбілею: «Нечакана зноў пачалі нараджацца вершы, якія, я спадзяюся, складуць новы паэтычны зборнік. Дарэчы, гэтую кнігу я хачу выдаць беларускай лацінкаю, каб такім чынам падтрымаць шматвекавую традыцыю нашай лацініцы. Адначасова гэта пэўным чынам засьведчыць і маю пазыцыю ў спрэчцы прыхільнікаў наркамаўкі і тарашкевіцы.

Апрача вершаў ёсьць і штодзённая праца над працягам нашай зь Зьмітром Герасімовічам кнігі «Краіна Беларусь. Ілюстраваная гісторыя». Новае выданьне прысьвечана мінуламу Вялікага Княства Літоўскага.

А якраз сёньня я атрымаў сыгнальны асобнік сваёй новай аўдыёкнігі гістарычных аповясьцяў і апавяданьняў «Сны імпэратара». Гэта ўжо чацьвёртае выданьне маіх тэкстаў у такім фармаце. Раней былі «Час чумы», «Адкуль наш род», «Таямніцы полацкай гісторыі». Неўзабаве выйдзе яшчэ «Ордэн Белай Мышы», а на чарзе – аўдыёдыск «Паўстанцы». Разам атрымаецца цэлая аўдыёбібліятэчка, за зьяўленьне якой я ўдзячны яшчэ зусім маладой фірме «Белтонмэдыя» і яе дырэктару Алесю Калошу.

0
Адлеглы / Адказаць
31.08.2008 / 02:40
Сьмелы крок пісьменьніка, магчыма нават занадна! Уяўляю, прыязджае Арлоў у Віцебскую вобласьць на сустрэчу з моладзьзю, і... дастае кніжку *лацінкай*! Усе ў шоку, усе нэрвова паглядалюць за вакно - ці не паказаліся там з-за бугра Эўра-зьвязаўскія танкі і тэкстуюць сябрам каб глянуць, які сьцяг лунае над мясцовым выканкамам :)) Ці ён хоць прыдумаў ужо, як будзе там тлумачыцца аб гэтым з аўдыторыяй? «я хачу выдаць беларускай лацінкаю, ... Адначасова гэта пэўным чынам засьведчыць і маю пазыцыю ў спрэчцы прыхільнікаў наркамаўкі і тарашкевіцы» Незразумела думка аўтара ў гэтым моманце. Наркамаўкай можна таксама пісаць і лацінскімі літарамі, хоць, падазраю, пакуль яшчэ ніхто не спрабаваў. Але вы паспрабуйце і, я ўпэўнены, усё атрымаецца!
0
Пан / Адказаць
31.08.2008 / 08:56
Падкажыце, калі ласка, як можна зь ім скантактавацца?
0
vk3001 / Адказаць
31.08.2008 / 11:27
Мне падабаецца гэтая ідэя.. абавязкова трэба набыць, калі выйдзе... Папулярнасьці не надасі, але ў цяперашніх умовах праз літаратуру папулярнасьці не набудзеш, таму няма сэнсу рабіць штось пад нейкія межы, бо ўсё роўна кніжкі набудуць на 80% тыя ж людзі. Але сам вельмі паважаю лацінку й часьцей за ўсё менавіта на ёй раблю свае беларуска-моўныя запісы.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру