11.08.2017 / 14:44

Друкавалі грошы на прынтары, набывалі жуйкі: у Мінску затрымалі фальшываманетчыкаў 3

Дваіх мінчукоў затрымалі за падробку грошай — яны друкавалі новыя 20-рублёвыя купюры.

Характэрна, што гэта першы выпадак у Беларусі падробкі новых банкнот.

Следствам вызначана, што ўзімку гэтага года 28-гадовы мужчына ў сябе на лецішчы наладзіў выраб падробленых грошай наміналам 20 рублёў. У далейшым ён перадаваў такія банкноты свайму 26-гадоваму знаёмаму мінчуку, які набываў на іх розныя дробныя тавары: жуйку, квіткі на транспарт, аплачваў праезд у маршрутных таксі.

Атрыманую рэшту яны дзялілі паміж сабой.

«Пры ператрусе па месцы жыхарства падазраваных канфіскавалі камп'ютарную тэхніку, банкноты наміналам 20 рублёў, прылады для друку, нарыхтоўкі для пячатак з адбіткамі штампаў розных арганізацый, бланкі даведак аб даходах фізічнай асобы.

Экспертыза паказала, што грошы надрукаваныя на каляровым струйным прынтары. Імітацыю ахоўнай стужкі таксама друкавалі, а пасля наносілі фрагменты фальгі на адзін з бакоў банкноты.

Мужчынам прад’явілі абвінавачванне ў вырабе і збыце падробленых грошай, замаху на тыя ж дзеянні, учыненыя паўторна, а таксама ў падробцы і вырабе падробленых дакументаў і штампаў. Усяго ім інкрымінуецца 26 эпізодаў злачыннай дзейнасці.

Мужчынам пагражае да 15 гадоў.

Справа перададзена пракурору для накіравання ў суд.

УШ

0
тамара / Адказаць
11.08.2017 / 15:30
АЙ -яй, 15 год за талент .яго бы ды у добрых справах .
2
Канстантынапалітанчыковянэчка / Адказаць
11.08.2017 / 15:44
Зусім абарзелі! Вядома ж, што толькі дзяржава тут можа дадрукоўваць левыя, нічым не забясьпечаныя фанцікі
0
пупкин жора / Адказаць
12.08.2017 / 13:13
Прокапович печатал миллионы и ничего , а эти за 20 руб загремят под фанфары!!!
Каб пакінуць каментар, калі ласка, актывуйце JavaScript у наладах свайго браўзеру