31.08.2008 / 14:43

АДС аднесла рашэньне пра ўдзел у выбарах Дадаліся фоты 20

БНФ за зьняцьцё кандыдатаў, АГП - за ўдзел, Рух за Свабоду канстатуе паралюш кааліцыі.

Лідэр Партыі БНФ Лявон Баршчэўскі прапанаваў Аб'яднаным дэмакратычным сілам падтрымаць рашэнне Сойму партыі аб зняцці сваіх кандыдатаў у дэпутаты з выбараў у палату прадстаўнікоў. Гэта адбудзецца 23 верасня, за пяць дзён да галасавання.

Аднак кіраўніцтва апазыцыйнай кааліцыі падтрымала кампрамісны варыянт, паводле якога Палітрада павінна сабрацца 21 верасня і на гэтым пасяджэнні разгледзець пытанне аб далейшым удзелу ў кампаніі.

Л. Баршчэўскі лічыць, што прыняцце такога рашэння на апошнім этапе выбарчай кампаніі няправільнае. "Уладу неабходна ўжо цяпер ставіць перад выбарам, хочуць яны, каб вынікі выбараў былі прызнаныя або не", — сказаў ён.

У ваю чаргу каардынатар Руху за Свабоду Віктар Карняенка паставіў пад сумненне магчымасць прыняцця кааліцыйнага рашэння адносна далейшага ўдзелу дэмсіл у выбарчай кампаніі.

Паводле яго слоў, рашэнні, хутчэй за ўсё, будуць прымацца на ўзроўні палітычных партый.

Цвёрда за ўдзел выказваюцца Сяргей Калякін і Анатоль Лябедзька, лідэры Партыі камуністаў і Аб'яднанай грамадзянскай партыі.

Аб'яднаныя дэмакратычныя сілы павінны не толькі супрацьпастаўляць сябе ўладзе, але і шукаць з ёй кампраміс. Такое меркаванне выказаў лідэр АГП Анатоль Лябедзька, выступаючы 31 жніўня на пашыраным пасяджэнні Палітсавета АДС.

На думку А. Лябедзькі, "не падзяляючы палітыку ўлады, трэба шукаць з ёй кампраміс. Трэба і ўладам выстаўляць нейкія канструктыўныя прапановы", — мяркуе ён.

А. Лябедзька лічыць, што байкот выбараў можа пераўтварыць АДС у дысідэнцкі рух або прывесці да яго распаду. У гэтым, паводле слоў палітыка, зацікаўлены ўлады, частка міжнароднай супольнасці, якая гатова сёння весці дыялог з Аляксандрам Лукашэнкам, а таксама некаторая колькасць прадстаўнікоў апазіцыі, што выпалі з працэсу прыняцця рашэнняў.

Напярэдадні паседжаньня сябраў АДС невядомыя размалявалі сядзібу БНФ надпісамі "Байкот 2008"

0
Легiянер / Адказаць
31.08.2008 / 14:52
АДС вiдаць па ўсiм iмкнецца стаць саўдзельнiкамi Лукашэнкi.
0
Стары / Адказаць
31.08.2008 / 14:57
"Сваю не абыйдзеш плаху, колькі б ты жыць ня праг..."
0
krysztal / Адказаць
31.08.2008 / 15:41
nu chto b u liabedz'ku sumniawausia...
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру