Вікторыя Азаранка афіцыйна знялася з турніра ў Цынцынаці па асабістых абставінах, інфармуе БелТА.
Пра гэта паведаміла беларуская тэнісістка ў сацсетках. «Я засмучаная тым, што вымушана зняцца з турніра па сямейных абставінах. Не магу дачакацца моманту, калі зноў сыграю пры гэтай фантастычнай падтрымцы публікі», - адзначыла яна.
Турнір у Цынцынаці стартуе 14 жніўня. На дадзены момант Вікторыя Азаранка рыхтуецца да суда з бацькам яе дзіцяці Білі Маккігам аб апякунстве над сынам. Суд Лос-Анджэлеса пастанавіў, што на час разгляду справы аб апякунстве дзіця не можа пакідаць гэты горад.
0
0
0
0
0
0
