11.08.2017 / 22:06

«Здзелка стагоддзя»: шэсць будынкаў у мінскай прамзоне прадалі за 23 рублі 8

Іх агульная плошча — 13 тысяч квадратаў.

Дзяржаўная маёмасць упершыню прададзеная па пачатковай цане, роўнай адной базавай велічыні, з аўкцыёну ў сталіцы, паведамляе агенцтва «Мінск-навіны». Гэта комплекс незавершаных будаўніцтвам будынкаў з ачышчальнымі і інжынернымі збудаваннямі на вуліцы Каржанеўскага, 18Б-18Б/5, паведамілі ў фондзе «Мінскгармаёмасць».

- Агульная плошча 6 будынкаў і збудаванняў - звыш 13 тыс. кв. м. Яны размешчаны на зямельным участку плошчай 1,8573 га, - адзначыў галоўны спецыяліст аддзела каштоўных папер і арганізацыі таргоў Мінскага гарадскога тэрытарыяльнага фонду дзяржаўнай маёмасці Дзмітрый Собалеў. - Цяпер пакупніку неабходна ўзгадніць будучае прызначэнне аб'екта з камітэтам архітэктуры і горадабудаўніцтва Мінгарвыканкама. Акрамя таго, не пазней за два гады з дня ўзгаднення ён павінен распрацаваць і зацвердзіць праектную дакументацыю на будаўніцтва, а затым завяршыць усе працы на аб'екце ў адпаведнасці з нарматыўнымі тэрмінамі.

Па словах Д. Собалева, практыка рэалізацыі незапатрабаваных на звычайных аўкцыёнах аб'ектаў за адну базавую велічыню будзе працягнутая і ў будучыні. Дарэчы, пры такім спосабе продажу дзяржмаёмасці права арэнды зямельнага ўчастка даецца без аплаты заключэння арэнднай дамовы.

3
Верамей Руслан / Адказаць
11.08.2017 / 22:24
А ці не адзін гэта з недабудаваных будынкаў "Інтэграла"? Дужа падобная "архітэктура". Як што - ёсць яшчэ адзін вялізны недабуд. Мінулым (ці пазамінулым?) годам яго хацелі за мільярд старабеларускіх рублёў прадаць. Не ўзялі. Мо, і яго цяпер чакае падзенне ў кошце да адной базавай?
0
Раман / Адказаць
11.08.2017 / 22:38
Прадалі каму? Свайму? "Стратэгічнаму інвестару"?
0
нв / Адказаць
11.08.2017 / 23:20
А хто такi Дзьмiтрый Собалеу,хто яго бацькi?
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру