12.08.2017 / 11:57

Да 150 метэораў у гадзіну: сёння беларусы ўбачаць самы эфектны зорны дождж года 4

Сёння ноччу беларусы змогуць назіраць, мабыць, самы эфектны метэорны паток гэтага года — Персеіды. Назіраецца ён штогод з 17 ліпеня па 24 жніўня, аднак яго максімум прыпадае на 12 жніўня, паведамляе Tut.by са спасылкай на праект Astroromantics.

Метэорны паток — гэта астранамічная з'ява, выкліканая ўварваннем у пласты атмасферы нашай планеты вялікай колькасці метэорных цел, народжаных выкідамі рэчыва з ядраў камет або астэроідаў. Падчас гадавога кручэння па сваёй арбіце Зямля перыядычна перасякае след, пакінуты праходжаннем камет або астэроідаў. Часціцы з гэтага следу трапляюць у атмасферу Зямлі і згараюць у ёй, выклікаючы яркія ўспышкі.

Максімум дадзенага метэорнага патоку прыпадае на 12 жніўня, падчас якога назіраецца каля 80-100 метэораў. Па папярэдніх дадзеных, у 2017 годзе, як і ў папярэднім 2016 годзе, варта чакаць некаторае ўзмацненне метэорнага патоку да 120, а можа і да 150 метэораў у гадзіну. Гэта выклікана гравітацыйным прыцягненнем планеты Юпітэр.

Літарай R абазначаны радыянт — кропка, з якой будуць вылятаць метэоры.

Для назірання метэорнага патоку Персеіды з тэрыторыі Беларусі неабходна ў раёне апоўначы паглядзець у паўночна-ўсходнім напрамку зорнага неба, дзе будзе размешчана сузор'е Персей.

0
хамса / Адказаць
12.08.2017 / 12:32
'Юпитер — самая большая планета в Солнечной системе. Долгое время считалось, что его присутствие и сильная гравитация заставляет небесные тела, долетающие до Солнечной системы из дальних уголков вселенной, менять орбиту и улетать прочь. Однако в 2000-е годы ученые смоделировали влияние Юпитера на астероиды и поняли, что гигант может привлекать внимание астероидов и комет к себе и другим объектам в Солнечной системе, в том числе Земле.
Сейчас считается, что именно Юпитер привлек большую часть упавших на Землю объектов. Впрочем, иногда гигант берет удар на себя'
1
млін / Адказаць
12.08.2017 / 14:21
хамса, ну, калі вы не толькі дызайнер... павінны былі заўважыць, што мова працытаванага вамі ўрыўка--выразна ненавуковая. 
0
Віктар / Адказаць
12.08.2017 / 14:57
Месяц на небе свеціць яркі, ды яшчэ і дымка ад спёкі. Так што не спадзявайцеся асабліва. Я ўчора ўсю ноч лавіў метэоры і ведаю, пра што кажу.
Да таго ж не спадзявайцеся на 120-150. Гэта - так званы лік ZHR, zenith hour rate. Гэта колькасць метэораў за гадзіну, якую можна ўбачыць на ідэальна цёмным небе пры ўмове, што радыянт патока (у сузор'і Персея) у зеніце. А ў Беларусі Персей у зеніце не будзе, ды і Месяц, дымка і засветка ад гарадоў зробяць сваю справу.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру