13.08.2017 / 10:48

Работнікам Нацыянальнай бібліятэкі павысілі аклады 2

Работнікам Нацыянальнай бібліятэкі і Рэспубліканскай навукова-тэхнічнай бібліятэкі спецыяльнай пастановай Мінпрацы за подпісам кіраўніка ведамства Ірыны Касцевіч паднялі аклады. Пра гэта гаворыцца ў адпаведнай пастанове Мінпрацы ад 1 жнiўня 2017 г. № 40.

«Улічваючы спецыфіку і характар працы, тарыфныя аклады (стаўкі) работнікам павышаюцца: Рэспубліканскай навукова-тэхнічнай бібліятэкі — у сярэднім на 30 працэнтаў; Нацыянальнай бібліятэкі Беларусі — у сярэднім на 50 адсоткаў», — гаворыцца ў пастанове.

Бібліятэкары і бібліёграфы, мяркуючы па аб'явах у рэспубліканскім банку вакансій, атрымліваюць невялікія заробкі.

Напрыклад, у чэрвені праз рэспубліканскі банк вакансій у «Нацыяналку» шукалі бібліятэкара з вышэйшай адукацыяй і першай кваліфікацыйнай катэгорыяй на 1,25 стаўкі. Заробак абяцалі ад 272,66 рубля.

Бібліёграфу з вышэйшай адукацыяй і другой кваліфікацыйнай катэгорыяй на 0,5 стаўкі прапаноўвалі заробак ад 272 рублёў.

У чэрвені работнікі бібліятэк, архіваў, музеяў і іншая дзейнасць у галіне культуры ў сярэднім па краіне зараблялі 452,6 рубля.

0
Дима / Адказаць
13.08.2017 / 14:21
И это обещенные 1000 по стране???
0
Аляксандр / Адказаць
15.08.2017 / 08:51
О внесении изменения в по
становление Министерства
труда Республики Беларусь от 21 января 2000 г. No 6
Каб пакінуць каментар, калі ласка, актывуйце JavaScript у наладах свайго браўзеру