13.08.2017 / 16:03

У Каменнай Горцы ў Мінску хлопчыка ўкусіла гадзюка ФОТЫ 27

«Майго сына Яна ўкусіла змяя», — паведаміў «Нашай Ніве» яго бацька Даніла Лях.

Пацярпелы Янка Лях.

Няшчасны выпадак здарыўся ў сераду, і цяпер, калі жыццю хлопчыка нічога не пагражае, бацька вырашыў паведаміць пра гэта СМІ.

Яну 10 гадоў, ён навучэнец 23-й гімназіі. У аўторак днём хлопец выйшаў з пад’езда ў двор вуліцы Кунцаўшчына, і адразу ўбачыў дзяцей, якія згуртаваліся ў адным месцы і нешта разглядаюць. Ён таксама зацікавіўся, падышоў — проста перад пад’ездам ляжала змяя. Дзеці яе штурхалі, гуляліся. Янка таксама прыняў удзел у агульнай забаве, аднак як толькі паднёс да змяі палец, тая яго ўджаліла.

Хлопчык вельмі перапалохаўся, прыбег дамоў, плакаў: з указальнага пальца сачылася кроў. Спачатку маці вырашыла дзяжурна адвесці яго ў паліклініку, але па дарозе туды яму стала дрэнна: Ян збялеў і перастаў бачыць. Тады ўжо бацькі выклікалі хуткую і МНС.

«Ніхто не чакае сустрэць гадзюку на прыступках свайго дома ў горадзе. Гэта ж не лес. Таму для нас гэта быў форс-мажор, а Янка не ведаў, як трэба сябе паводзіць са змяёй», — каментуе здарэнне бацька.

Хлопчыка прывезлі ў рэанімацыю 3-й гарадской дзіцячай бальніцы, дактары якой спачатку сумняваліся, што ўкусіць малога ў горадзе магла гадзюка, маўляў, адкуль яна ўзялася ў Мінску? Усе былі ўпэўненыя, што гэта мядзянка. І толькі калі МНС вынеслі вердыкт — гэта гадзюка звычайная, бо вочы ў яе з вертыкальным разрэзам, спрэчка спынілася.

Яну ўвялі сываратку-супрацьяддзе, некалькі дзён ён правёў у рэанімацыі. Цяпер яго стан стабільны, хлопчык адчувае сябе добра. Праўда, да гэтага часу уджаленая рука застаецца ў ацёках і гематомах. У бальніцы ён правядзе яшчэ мінімум тыдзень. Бацькі расказалі «Нашай Ніве», што яны вельмі ўдзячныя дактарам і спадзяюцца, што ніякіх наступстваў для арганізма атрута мець не будзе.

Віноўніцу ж здарэння амаль адразу адлавілі супрацоўнікі МНС, хаця яна спрабавала збегчы, змясцілі ў слоік і ізалявалі.

Нагадаем, 3 жніўня супрацоўнікі МНС ліквідавалі гадзюку ў сталічнай кватэры на вуліцы Ландара: тая затаілася ў пліце. У чэрвені змяя таксама ўкусіла мужчыну каля Драздоў. Магчыма, такая гіперактыўнасць змей у сталіцы назіраецца ў сувязі з мокрым летам. 

Кацярына Карпіцкая, фоты Данілы Ляха

3
Верны / Адказаць
13.08.2017 / 14:29
Як стары знаўца прыроды адкрыю сакрэт. Прычынаў дзьве: запусьценьне і пацяпленьне. Дзе раней былі палі - пусткі. Сёлета суха, вада стаіць нізка. А горача, маладых зьмеяў многа вывелася. Жабянят не хапае, вось і паўзуць кругом, дзе мышаняты ёсьць. А каб вы ведалі далей за кіламэтр-паўтара яны ніколі не сунуцца.
3
Кнехт / Адказаць
13.08.2017 / 14:43
Пратэстую!Каменная Горка - гэта вёска за кальцавою дарогаю, а не вуліца Кунцаўшчына. Рэд. Ну, мікрараёна Каменная Горка таксама з карты не выкрасліш. Але ваша Каменная Горка сапраўдная, то праўда!
35
Миколка / Адказаць
13.08.2017 / 14:45
Никто еще не умирал от укуса гадюки. Успокойтесь, панове. Это не та змея которая может убить
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру