16.08.2017 / 18:53

У Расіі мядзведзь адкусіў руку мужчыну, які спрабаваў яго пачаставаць 14

Непадалёк ад Іркуцка (РФ) мядзведзь, які ўтрымліваўся ў прыдарожнай кавярні, адкусіў п'янаму мужчыну руку, калі той спрабаваў пакарміць звера згушчонкай, паведаміў РІА «Навіны» прадстаўнік прэс-службы ГУ МУС па Іркуцкай вобласці.

Ілюстрацыйнае фота.

«15 жніўня ў дзяжурную частку паліцыі паступіла паведамленне аб тэрміновай шпіталізацыі 42-гадовага мужчыны з частковай траўматычнай ампутацыяй правай рукі. Пацярпелы ў стане алкагольнага ап'янення спрабаваў пакарміць мядзведзя і ледзь не паплаціўся жыццём», - сказаў суразмоўца агенцтва.

На тэрыторыі той кавярні ў клетцы сядзяць тры дарослыя мядзведзі. Мясцовы жыхар вырашыў пачаставаць драпежнікаў згушчонкай, пералез праз агароджу і прасунуў руку са слоікам у клетку. Адзін з мядзведзяў разам з пачастункам адкусіў палову правай рукі. На дапамогу пацярпеламу падаспеў адзін з супрацоўнікаў кавярні. Ён адагнаў звера, некалькі разоў ударыўшы яго па мордзе рыдлёўкай, пасля чаго адцягнуў пацярпелага ад клеткі. «Хуткая» адвезла мужчыну ў бальніцу.

1
рысь / Адказаць
16.08.2017 / 19:34
Мішак шкада. Не пашанцавала ім.
0
МММ / Адказаць
16.08.2017 / 19:45
"не лезь... она тебя сожрет"-2
4
Дима / Адказаць
16.08.2017 / 19:48
Россия))) ничему не удивлен))))
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру