17.08.2017 / 16:25

Берасцеец асуджаны за вярбоўку дзяўчат для занятку прастытуцыяй у Расіі 2

Суд Маскоўскага раёна Брэста вынес абвінаваўчы прысуд у дачыненні да мясцовага жыхара, 1978 года нараджэння, які вербаваў дзяўчат для занятку прастытуцыяй у Расіі, паведаміла карэспандэнту БелТА памочнік пракурора Брэста Алена Шарко.

Мужчына прызнаны вінаватым у замаху на выкарыстанне занятку прастытуцыяй, звязаным з вывазам за межы дзяржавы. Суд даў яму 5 год пазбаўлення волі з адбыццём пакарання ў папраўчай калоніі ўзмоцненага рэжыму з канфіскацыяй маёмасці.

Сведкамі па справе праходзілі тры жыхаркі Брэста. Мужчына падчас тэлефонных перамоў і асабістых сустрэч пераканаў дзяўчат займацца прастытуцыяй у Маскве. Ён растлумачыў ім умовы і памеры аплаты за аказанне сэксуальных паслуг, папярэдзіў, што частку атрыманых грошай трэба будзе аддаваць арганізатарам.

Сам сутэнёр за кожную прывезеную дзяўчыну павінен быў штомесяц атрымліваць узнагароджанне ў памеры $ 250. Мужчына арганізаваў выезд дзяўчат за межы Беларусі на аўтамабілі свайго знаёмага, аднак давесці задума да канца не змог - гандляр жывым таварам быў затрыманы 7 чэрвеня каля вёскі Федзькавічы.

У судзе берасцеец прызнаваў віну і каяўся.

1
феня / Адказаць
17.08.2017 / 17:52
Кастрыраваць i прышыць замест носа!
1
Guinness / Адказаць
18.08.2017 / 21:56
Бярэсце і Гародня нафаршыраваны адстаўнікамі савецкай арміі і іх дзеткамі. 
Што ім яшчэ рабіць, калі яны самі ўвогуле нічога ня ўмеюць і навучылі гэтаму сваіх дзяцей.
Каб пакінуць каментар, калі ласка, актывуйце JavaScript у наладах свайго браўзеру