17.08.2017 / 23:02

БАТЭ не смог победить украинскую «Александрию» — видео голов 6

21:51 

Стасевіч меў апошнюю магчымасць забіць.

Гучыць фінальны свісток. 1:1 — праз тыдзень ва Украіне будзе вельмі цяжка.

21:49 

Брамнік «Александрыі» ляжыць на полі пасля сутыкнення з Туоміненам. Цягнуць час украінцы.

21:46 

Чатыры хвіліны да асноўнага часу дадае венгерскі арбітр.

21:45 

Іваніч пульнуў з далёкай адлегласці. Мяч ляцеў па вельмі крутой траекторыі, але трапіў у бэльку. Адна хвіліна асноўнага часу засталася.

21:38 

Самыя нецерпялівыя заўзятары ўжо пацягнуліся да выхада. Гуляць яшчэ каля 10 хвілін.

У БАТЭ выйшаў фінскі форвард Ясэ Туомінен, ён замяніў Віталя Радзвівонава.

21:34 

Нарэшце ўдар у створ. Яго нанёс Віталь Радзівонаў, але брамнік «Александрыі» быў на месцы.

21:33 

У «Александрыі» выйшаў на поле Сяргей Старанькі, які пагуляў некалі ў чэмпіянаце Беларусі.

У БАТЭ замест Міхаіла Гардзейчука з'явіўся Юрый Кендыш. Умацоўвае трэнер цэнтр поля.

21:29 

Не, прабілі не надта мудрагеліста. Ідзе ўжо 74-я хвіліна матча.

21:27 

Мілунавіч парушае правілы на самай мяжы штрафной пляцоўкі. «Александрыя» атрымлівае права на небяспечны стандарт.

21:26 

Міхаіл Гардзяйчук вельмі добра выходзіў да варот, але ўдар не атрымаўся. Міма.

21:22 

А вось і сам Стасевіч папярэджаны.

Калі верыць статыстыцы з спецыялізаваных сайтаў, то БАТЭ валодае мячом 87% часу.

«Александрыя» рыхтуе другую замену. Выйдзе на поле Віталь Панамар.

21:20 

Васіль Грыцюк збівае Ігара Стасевіча і бачыць перад сабой жоўтую картку. Другое папярэджанне ў матчы.

21:18 

Драгун выдаваў цудоўны пас на Гардзейчука, але апошні крыху праспаў гэты момант. БАТЭ прыдушыў суперніка. Трэба гол!

Першая замена ў «Александрыі». Сышоў капітан каманды Запаражань, выйшаў Максім Калянчук.

21:15 

Віталь Радзівонаў не змог трапіць у пустыя вароты, калі брамнік «Александрыі» Юрый Панкоў быў ужо адыграны.

Першая замена ў БАТЭ. Ермаковіч зняў апорніка Аляксандра Валадзько і выпусціў нападаючага Мікалая Сігневіча.

21:11 

Хто ў знаходзіцца ў запасе барысаўскай каманды? Брамнік Чычкан, а таксама палявыя гульцы Гайдучык, Бярозкін, Сігневіч, Туомінен, Палякоў, Кендыш.

21:07 

Абсалютна нічога не адбываецца ў гульні. БАТЭ спрабуе вярнуць сабе кантроль над мячом, «Александрыя» ў сваю чаргу вельмі шмат цягне час і ўключае сімуляцыю.

Пакуль што яшчэ не праводзіць замены Ермаковіч.

21:01 

Пачаўся другі тайм. Трывожна неяк на сэрцы.

20:45 

Першы тайм скончыўся. БАТЭ яго выдатна пачаў, забіў гол намаганнямі Іваніча, але потым каманда неяк падсела. 

Ці знойдзе ў перапынку Ермаковіч тыя словы, каб узбадзёрыць сваіх футбалістаў? 1:1 для хатняга матча — гэтага вельмі мала.

Па ўдарах «Александрыя» пераўзышла БАТЭ з лікам 10:4, у створ 2:2.

20:43 

Занадта шмат вольнасцяў БАТЭ дазваляе «Александрыі». За такое ўкраінцы могуць пакараць яшчэ ні раз.

20:41 

Каманды па чарзе атакуюць, аднак да рэальных пагрозаў пакуль не даходзіць. Першы тайм блізіцца да завяршэння.

20:35 

Зусім неяк паныленька стала ў Барысаве.

20:30 

Іваніч і Гардзяйчук на двух стварылі вастрыню ля варот «Александрыі», але мэтанакіраваным ударам яна не завяршылася.

Мілунавіч зноў прабіў галавой пасля штрафнога, але міма.

20:26 

Яшчэ адзін небяспечны момант стварае «Александрыя». Трыбуны сустракаюць такую гульню сваёй каманды свістам. Неяк усё больш трывожна становіцца за вынік супрацьстаяння.

20:22 

Радзівонаў вырываўся на прастор, але не змог абматаць украінскага абаронцу. Сумнавата стала на стадыёне, прапускаць гол у хатняй гульні было зусім неабавязкова.

20:20 

Ох, 1:1. Украінцы гэтак сама лёгка адыграліся, як БАТЭ забіў першы гол. Адзначыўся Яўген Банада, у штрафной не аказалася нікога з цэнтральных абаронцаў. 

20:18 

Першы небяспечны момант спрадукавала «Александрыя», але суддзя зафіксаваў атаку на брамніка.

20:14 

Неманья Мілунавіч наносіў удар галавой пасля навеса Максіма Валадзько, але небяспечным момант не назавеш.

20:13 

Трошку супакоілася гульня. БАТЭ ўпэўнена кантралюе мяч. Хочацца, каб з такім супернікам барысаўцы ўсё вырашылі ўжо ў першай гульні.

20:09 

1:0!!! Вельмі хутка БАТЭ забівае свой гол. І неяк лёгка гэта атрымалася. 

Мяч забівае наш серб Мірка Іваніч. Выдатны пас на яго зрабіў Міхаіл Гардзяйчук. 

Трэба працягваць у такім жа духу.

20:07 

Фанацкі сектар БАТЭ сёння вельмі ўнушальны. Прыгожа спяваюць хлопцы. Зверху вісіць банер польскіх сяброў БАТЭ з «Пяста» (Глівіцэ).

20:04 

Вось і першы рэальны момант узнік ля варот «Александрыі». На жаль, Іваніч не змог замкнуць перадачу. 

Стадыён вельмі моцна падтрымлівае любімую каманду.

20:03 

Вельмі груба ў цэнтры поля згуляў украінец Басаў, суддзя даў яму жоўтую картку. У такія моманты арбітры маюць поўнае права караць гульца і чырвонай.

20:02 

Матч пачаўся атакамі ўкраінскага клуба. Шчарбіцкаму нават давялося адзін раз уступіць у гульню, але нічога небяспечнага не было.

20:01 

У Барысаве сёння ўвечары выдатнае надвор'е — +26 градусаў.

З Украіны падтрымаць «Александрыю» прыехала некалькі дзясяткаў чалавек. Фан-сектар пражскай «Славіі» на «Барысаў-Арэне» быў больш унушальны.

20:00 

Венгерскі арбітр дае свісток аб пачатку гульні. 

19:57 

Каманды выходзяць на поле. БАТЭ будзе гуляць у сініх колерах, «Александрыя» - у жоўтых. 

Стадыён на дадзены момант запоўнены працэнтаў на 70%.

19:56 

Што тычыцца складу БАТЭ, то ёсць дзве нечаканасці. Па-першае, у абароне выйшаў не Дзяніс Палякоў, а Максім Валадзько. Па-другое, на вастрыё атакі вяртаецца Віталь Радзівонаў, які адбыў чатырохматчавую дыскваліфікацыю. Мікалай Сігневіч застаўся ў запасе.

19:54 

Склады каманд:

БАТЭ: Шчарбіцкі, Бага, Булят, Мілунавіч, М.Валадзько, А.Валадзько, Драгун, Іваніч, Стасевіч, Гардзяйчук, Радзівонаў.

«Александрыя»: Панкоў, Чабатаеў, Цурыкаў, Палярус, Запарожань, Гітчанка, Сітала, Грыцук, Бацула, Банада, Басаў.

19:52 

«Александрыя» на дадзены момант не мае ніводнай перамогі ў чэмпіянаце Украіны. У каманды тры нічыіх і дзве паразы. Каманда займае дзясяты радок з дванаццаці. У апошнім туры «Александрыя» з лікам 1:2 саступіла данецкаму «Шахцёру».

3
Жвiр / Ответить
17.08.2017 / 23:35
Kiepski vynik, alie nicoha nie stracana.
1
Niemand / Ответить
18.08.2017 / 01:06
Калі "Олександрія" дома "адпусціць" БАТЭ, гэта будзе вялікай дурніцай з іх боку.
6
Быхау / Ответить
18.08.2017 / 08:45
БАТЭ нечего делать в футболе. Есть команды Днепр, Дн.Брест,Гомель и др., которые должны показывать результат и итог,а миф БАТЭ неинтересен.
Показать все комментарии/ 6 /
Чтобы оставить комментарий, пожалуйста, активируйте JavaScript в настройках своего браузера