Хакейны клуб «Дынама-Мінск» падпісаў кантракт з канадскім нападаючым Куінтанам Хаўдэнам, паведамілі карэспандэнту БелТА ў прэс-службе клуба.

Доўгі час форвард удасканальваў сваё майстэрства ў клубах Амерыканскай хакейнай лігі, а ў сезоне-2015/2016 правёў 58 матчаў за клуб НХЛ «Фларыда».

Нападаючы паспяхова дзейнічае ў абароне і атацы, здольны згуляць у цэнтры і з краю пляцоўкі. Вылучаецца навабранец «Дынама» высокім ростам (каля 190 см). Як паведамлялася, іншымі легіянерамі-пачаткоўцамі ў міжсезонне сталі брамнік Юнас Энрот і форвард Джасцін Фантэйн.