18.08.2017 / 11:49

Трываць засталося пару дзён: на змену спёцы ідуць дажджы, навальніцы і пахаладанне 5

Фота Сяргея Гудзіліна

Найбліжэйшымі днямі чакаецца вельмі кантраснае па тэмпературы надвор'е паміж захадам і усходам, распавёў TUT.BY начальнік службы метэаралагічных прагнозаў Белгідрамета Мінпрыроды Дзмітрый Рабаў.

У суботу пераважна без ападкаў, толькі ноччу па Віцебскай вобласці, а днём у крайніх паўднёва-заходніх раёнах краіны кароткачасовыя дажджы, месцамі навальніцы. Вецер паўднёвы 4—9 м/с, пры навальніцах парывы да 14 м/с. Тэмпература ноччу +15 — +20°С, днём да +34°С, у сувязі з чым абвешчаны аранжавы ўзровень небяспекі.

У сталіцы без ападкаў. Вецер паўднёвы 4—9 м/с. Тэмпература ноччу +17 + 19°С, днём +30 + 32 ° С.

У нядзелю, 20 жніўня, на ўсходзе застанецца спякотна, а вось на захад краіны з тэрыторыі Польшчы паступаць халодныя паветраныя масы з паўночнага захаду Еўропы. Ноччу ў заходніх раёнах, днём па заходняй палове краіны кароткачасовыя дажджы.

У асобных раёнах навальніцы, раніцай і днём моцныя дажджы, магчымы град. Тэмпература днём ад +16 + 22°С па захадзе да +30 + 34°С па ўсходзе.

У Мінску ў другой палове дня магчымы кароткачасовы дождж. Тэмпература ноччу +17 + 19°С, днём +23 + 25°С.

У панядзелак надвор'е будзе фармаваць маларухомая франтальная сістэма. Па заходняй палове, а днём месцамі і ва ўсходніх раёнах кароткачасовыя дажджы. У асобных раёнах навальніцы, моцныя дажджы, днём магчымы град.

У Мінску ў панядзелак пройдзе кароткачасовы дождж. Тэмпература ноччу складзе 13-15 градусаў вышэй за нуль, днём будзе 16-18.

0
рыця / Адказаць
18.08.2017 / 12:03
Трываем мы трэць году, да лета!
0
Жвир / Адказаць
18.08.2017 / 12:03
Heta ž nie paūsiuļ. U malienkich haradkach, na poudni krainy, budzie soniecna i ciopla. Na toje i isnuje poudzien...
4
LMI / Адказаць
18.08.2017 / 12:14
Ах вы гаротныя лукашенкі, так вы ўжо змучалісь "пеклам" нябесным. Ну нічога - хутка прыйдзе ваша ўлюбеная лукашенкаўская зіма і слота
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру