Браніраваны лімузін Mercedes-Benz S-klasse Trasco Bremen, на якім першы прэзідэнт Расеі Барыс Ельцын выязджаў на афіцыйныя і асабістыя сустрэчы, прадаюць у Пецярбургу за 19,7 мільёнаў рублёў (каля $ 334 тыс.).
Пра гэта ТАСС распавёў прадстаўнік аўтасалона, які прадае машыну.
Mercedes-Benz S-klasse Trasco Bremen. Ілюстрацыйнае фота.
Адпаведная аб'ява раней з'явілася на адным з сайтаў па продажы аўтамабіляў. «На аўтамабілі з кіроўцам ездзіў Барыс Ельцын. Да нас яго прывёз дэпутат Дзярждумы з гаража спецпрызначэння Цану лічым адэкватнай і пакуль не плануем падымаць», - растлумачыў суразмоўца агенцтва і дадаў, што лімузін знаходзіцца «ў вельмі добрым стане»: ён «не біты», а прабег складае ўсяго 60 тыс. км. Лімузін зрабілі на спецзамову.
Праўда, прадстаўнікі «Ельцын-цэнтра», які апякуецца спадчынай першага прэзідэнта Расіі, не змаглі пацвердзіць, што менавіта гэты лімузін належаў Ельцыну. Маўляў, гараж вялікі, спецдаследаванні, хто на чым ездзіў, не праводзіліся.
