21.08.2017 / 12:05

Беларускія хірургі выратавалі пацыента пасля найцяжэйшага атручвання грыбамі 9

Беларускія хірургі паспяхова выканалі трансплантацыю печані пасля найцяжэйшага атручвання грыбамі, паведаміў БЕЛТА кіраўнік Рэспубліканскага навукова-практычнага цэнтра трансплантацыі органаў і тканак Алег Румо.

Экстранная перасадка печані была праведзена 31-гадоваму жыхару Старобіна Салігорскага раёна, бацьку двух дзяцей, які атруціўся бледнай паганкай. Аперацыю выконваў Алег Румо. Донарская печань была знойдзеная і перасаджана менш чым за суткі.

Па словах пацыента Сяргея, ён разам з жонкай збіраў грыбы не ўпершыню і ўмеў адрозніваць іх. У той дзень высакародных грыбоў у лесе не знайшлі, затое пабачылі паляну сыраежак. Разам з імі выпадкова прыхапілі бледную паганку. Сяргей прызнаўся: пра тое, што на паляне сярод сыраежак можа быць атрутны грыб, нават не падумаў. Напэўна, проста страціў пільнасць. Дома грыбы прыгатавалі і з'елі а восьмай вечара. Затым ўся сям'я лягла спаць. Сярод ночы муж і жонка прачнуліся ад ванітаў і дыярэі. Калі зразумелі, што менавіта стала прычынай пагаршэння стану, неадкладна выклікалі хуткую дапамогу.

Пацыентаў шпіталізавалі ў раённую бальніцу Салігорска. Адтуль перавялі ў таксікалагічнае аддзяленне Гарадской клінічнай бальніцы хуткай меддапамогі Мінска. Для кансультацыі ў БХМД выклікалі спецыяліста РНПЦ трансплантацыі органаў і тканак.

Медык, ацаніўшы шанцы мужчыны на выздараўленне, канстатаваў, што адзіны спосаб выратаваць яго жыццё - выканаць трансплантацыю печані.

Па словах Алега Румо, у той жа дзень бліжэй да вечара пацыента перавялі ў РНПЦ, а раніцай пачалася аперацыя. З моманту пачатку аказання яму высокакваліфікаванай медыцынскай дапамогі да выканання трансплантацыі прайшло менш за суткі.

«У дадзеным выпадку гэта была стандартная аперацыя па трансплантацыі печані. Складанасць была ў тым, што пацыент знаходзіўся ў вельмі цяжкім стане. Неабходна было вырашаць некалькі задач, у тым ліку абараніць мозг пацыента, каб ён не загінуў пад уздзеяннем таксінаў. А новай печані трэба было справіцца з тымі зменамі, якія адбыліся ў арганізме, і аднавіць функцыю іншых сістэм», - распавёў хірург.

3
Беларус / Адказаць
21.08.2017 / 12:21
Брава, схiляю галаву перад нашымi медыкамi!
1
Аляксей / Адказаць
21.08.2017 / 12:21
а с жонкай што?
6
Грязный Гарри / Адказаць
21.08.2017 / 12:34
А что с остальными предателями грибов?Бледная поганка даёт стопроцентный летальный исход...Люди годами донорские органы ждут,а тут за пару часов"нашли"... кто все эти люди?
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру