23.08.2017 / 13:30

Эстонія выпусціць дзяржаўную крыптавалюту 4

Эстонія вырашыла пашырыць свой бюджэт за кошт выхаду на ICO (першаснае размяшчэнне манет), выпусціўшы ўласныя токены пад назвай «эсткойны».

Варта сказаць, што Эстонія — гэта першая краіна, якая прапануе праграму электроннага грамадзянства. Праграма дазваляе сваім удзельнікам скарыстацца мноствам урадавых паслуг, у тым ліку пачаць працу ў кампаніі, якая базуецца ў Еўрасаюзе, фактычна без рэальнага грамадзянства.

Чытайце: Эстонія: як выглядае моцная лічбавая нацыя ХХІ стагоддзя

Ідэю выхаду на ICO для пашырэння бюджэту краіны і выпуску уласнай крыптавалюты прапанаваў Каспар Коржус, аўтар праграмы электроннага грамадзянства. Коржус у агульнадаступным дакуменце выклаў, як ён бачыць выхад краіны на ICO.

Наступным крокам можа стаць распрацоўка тэхнічнага дакумента з выкладаннем кошту токенаў і таго, як менавіта будуць выкарыстоўвацца інвестыцыі.

Паводле задумы, грошы, атрыманыя ў выніку размяшчэння, могуць быць выкарыстаныя фондам, якім сумесна кіруюць урад і знешнія прыватныя кампаніі. Гэты фонд будзе выкарыстоўвацца для інвестыцый у новыя тэхналогіі для дзяржаўнага сектара, а таксама для інвеставання венчурнага капіталу ў эстонскія кампаніі, створаныя як мясцовымі, так і «электроннымі» рэзідэнтамі.

Урэшце токены будуць выкарыстоўвацца ў якасці спосабу аплаты дзяржаўных і прыватных паслуг як унутры краіны, так і ва ўсім свеце. Гэтыя працэдуры павінны забяспечыць вяртанне інвестыцый для ўдзельнікаў ICO.

Афіцыйныя ўлады Эстоніі паставіліся да ідэі Коржуса сур'ёзна. Урад ужо запытвае водгукі крыптавалютных экспертаў, а заснавальнік расійскае крыптавалюты Ethereum Віталій Бутэрын стаў дарадцам праекта.

0
Андруш / Адказаць
23.08.2017 / 13:53
у Рыгорыча идзею спёрли
7
Дзядзька / Адказаць
23.08.2017 / 15:55
К новым победам и свершениям! Ещё б можно было портал электронной регистрации браков для жителей всего мира за небольшую плату. Браки можно регистрировать всех со всеми, без ограничений. Сертификат распечатывается сразу-же в режиме он-лайн.
23.08.2017 / 16:43
Ethereum - не российская валюта, а Бутерин с шести лет живёт в Канаде, т.е. не такой уже и россиянин, как Мейл.ру хочет его представить.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру