Як паведамілі БелаПАН у Драгічынскім РАУС, у дачыненні да 27‑гадовай жанчыны следчым аддзяленнем распачата справа па ч. 1. арт. 147 Крымінальнага кодэкса (наўмыснае прычыненне цяжкага цялеснага пашкоджання).
1 верасня ў 21.10 у Драгічынскі РАУС паступіла паведамленне з раённай бальніцы, што да іх з пранікаючым колата‑рэзаным раненнем грудной клеткі справа, пашкоджаннем правага лёгкага дастаўлена са свайго дома трохгадовая дзяўчынка.
Следча‑аператыўнай групай устаноўлена, што гэтыя цялесныя пашкоджанні каля 20.00, знаходзячыся ў стане алкагольнага ап’янення, прычыніла нажом маці дзіцяці. Як яна расказала супрацоўнікам міліцыі, гэта адбылося пасля сваркі з мужам, прычыну свайго ўчынку жанчына растлумачыць не можа.
Дзяўчынка знаходзіцца ў рэанімацыйным аддзяленні бальніцы. Медыкі ацэньваюць яе стан як сярэдняй цяжкасці, які не выклікае апасенняў.
Сям’я не знаходзілася на ўліку ў міліцыі як непаспяховая. Жанчына знаходзіцца ў адпачынку для догляду дзіця — сына 2007 года нараджэння. Праводзіцца расследаванне.
