24.08.2017 / 15:19

Лукашэнка прызнаўся, што ў школьныя гады стаяў на ўліку ў пакоі міліцыі 17

president.gov.by

Кажучы пра школьную дысцыпліну, Аляксандр Лукашэнка згадаў, што сам калісьці «ў дзіцячым пакоі міліцыі стаяў». На Рэспубліканскай педнарадзе прэзідэнт загадаў міністру ўнутраных спраў Ігару Шуневічу вырашаць такія праблемы з падлеткамі.

Ён не бачыць праблемы ў тым, што большасць супрацоўнікаў школ — жанчыны. Але ёсць пытанні па школьнай дысцыпліне.

«Жанчыны не горш за мужыкоў працуюць, і выхаваць могуць. Ну, дысцыпліны ў школе не хапае. Трэба падумаць спадару Шуневічу па сваёй частцы, папрацаваць з некаторымі вучнямі.

Аляксандр Лукашэнка лічыць, што ў яго час дысцыпліны ў школах было больш. І нечакана прывёў сябе ў прыклад.

«Я быў цяжкім вучнем. Прызнаюся: у дзіцячым пакоі міліцыі на ўліку стаяў у пераходным узросце. І калі прыходзіла жанчына-капітан міліцыі, забыўся прозвішча, мне пальцам трэсла - у мяне сэрца ў пяткі сыходзіла. Хоць я быў нахабістым хлопцам. Гэта значыць дзесьці міліцыю трэба падключыць, каб дырэктару і настаўніку дапамагчы. Таму што ў нас у школе вольніцы шмат».

0
Сenturion / Адказаць
24.08.2017 / 15:20
Туды ставяць  на ўлік ня проста так, а за нейкія дзеяньні. Цікава, што ён адпароў?
4
Lilia / Адказаць
24.08.2017 / 15:32
Ну добра, што хоць шапкі не краў. 
0
dalwitz / Адказаць
24.08.2017 / 15:37
Сenturion, да его "понесло"...какой капитан,какая детская комната милиции?!?! В Александрии что ли ...
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру