Год таму ў Барысаве была нічыя 1:1, прытым што другі тайм Люксембург гуляў удзесяцёх, фота Дар'і Буракінай
У рамках адборачнага этапа чэмпіянату свету па футболе зборная Беларусі згуляе ў гасцях з камандай Люксембурга. Пачатак у 21:45.
Наогул з Люксембургам — здавалася б, футбольны карлік — нам не надта шанцуе: чатыры перамогі, чатыры нічыі і адна параза.
Пасля 6 тураў: Швецыя, Францыя — 13, Галандыя — 10, Балгарыя — 9, Беларусь — 5, Люксембург — 1.
У адборачным турніры Беларусь згуляла дома ўнічыю з Францыяй (0:0) і Люксембургам (1:1), прайграла ў гасцях Галандыі (1:4), Балгарыі (0:1), Швецыі (0:4), выйграла дома ў Балгарыі (2:1).
3 верасня — гульня на «Барысаў-Арэне» са Швецыяй. У кастрычніку — матч дома з Галандыяй і на выездзе з Францыяй.
На ЧС выходзіць зборная, што зойме першае месца ў групе, а каманда, якая фінішуе другой, згуляе ў стыкавых матчах.
