01.09.2017 / 21:07

Адказны за рэферэндум на Данбасе прызнаўся ў падмане і пакаяўся 51

Адказны за правядзенне сепаратысцкага рэферэндуму на Данбасе Раман Лягін зрабіў заяву, у якой прызнаў, што жыхары гэтага рэгіёна былі «абдураныя».

facebook.com/kursk.dn

«У 2014 годзе людзі галасавалі за далучэнне да Расіі. Калі б рэфэрэндум адбыўся сёння, вынік яго быў бы процілеглым. Людзі былі абдураныя, у тым ліку і мной. Сёння «ДНР» трымаецца на ўнутраным тэроры», — заявіў ён у сацсетках.

Па словах Лягіна, ён паступаў згодна са сваімі перакананнямі, таму што верыў у Расію, якая «кінула жыхароў Данбаса пад танкі».

Сепаратыст таксама прызнаў, што без Украіны Данбас не справіцца са сваімі праблемамі.

«Расіі, якую мы сабе ўяўлялі, няма, а можа, і ніколі не было. Для вяртання нармальнага жыцця, аднаўлення працы прадпрыемстваў непазбежнае вяртанне ва Украіну! Данбас — гэта Украіна!»

11 мая 2014 года Раман Лягін абвясціў вынікі нелегальнага рэферэндуму «аб самавызначэнні ДНР» усяго праз некалькі гадзін пасля закрыцця выбарчых участкаў.

У верасні 2014 года сепаратыст узначаліў нелегальна створаную ЦВК «ДНР», да 26 верасня ён быў самаабвешчаным міністрам працы і сацыяльнай палітыкі «ДНР». У красавіку 2016 года пасля канфлікту з кіраўніком «ДНР» Аляксандрам Захарчанкам быў адпраўлены ў адстаўку і затрыманы баевікамі. Пазней быў вызвалены, пасля чаго з'ехаў у Расію.

2
Трололошеньки / Адказаць
01.09.2017 / 21:17
Кто следующий раскается?
7
Юрась Беларус / Адказаць
01.09.2017 / 21:24
Прозвішча цікавае - "Лягін". Я б не прыдаваў гэтым словам нейкага глыбокага сэнсу. На мой погляд, гэты чалавек кладзецца пад таго, хто плаціць.
1
Дима / Адказаць
01.09.2017 / 21:30
Да неужели?)))
Паказаць усе каментары/ 51 /
Каб пакінуць каментар, калі ласка, актывуйце JavaScript у наладах свайго браўзеру