На сайце Прыдняпроўска‑Данецкага Рабочага Саюзу разьмешчаная падборка дзіцячых малюнкаў, прысланых на выставу «Вясёлы танк».
Тэма — расейска‑грузінскі канфлікт. Паводле аўтараў сайту гэтая выстава — плён таго, што «дзіцячая грамадзкасьць шырока адгукнулася на агрэсію Грузіі».
Няблага прыхаваныя агіткі ў духу дзіцячага мілітарызму не пакідае сумневу, хто вінаваты ў апошняй каўкаскай вайне. Вось дрэнныя грузінскія жаўнеры ўзрываюць памятнік Сталіну, а харошыя расейскія жаўнеры ім не даюць.
На іншым малюнку дзядзя Пуцін на Краснай Плошчы адрубае галаву Саакашвілі, а поруч сабачка Коні брэша на грузінскага прэзыдэнта. Вось расейская авіяцыя вызваляе Цхінвалі.
Да таго ж, аматары памаляваць танчыкі і самалёцікі аздобляюць свае творы кранальнымі дзіцячымі камэнтарамі: «Тата зь іншымі дзядзямі сьвяткуе перамогу над грузінамі», «Буш лае Саакашвілі за тое, што ён прайграў вайну».
Гэта, відавочна, сьцёб, але ў тэму.
 Адрубаньне галавы Саакашвілі. Зьлева - лабрадор Коні. Ён брэша |
 Буш сварыцца на Саакашвілі. Справа хітра пасьміхаецца Мядзьведзеў |
 Расейскія войскі ратуюць ад грузінскага генацыду Цхінвалі |
