02.09.2017 / 17:26

Кіраўніца Адміністрацыі прэзідэнта расказала, якую кнігу чытае ўсё жыццё 42

Кіраўніца Адміністрацыі прэзідэнта Беларусі Наталля Качанава у інтэрв'ю часопісу «Алеся» адказала на пытанні пра сям'ю, любімы занятак і стаўленні да спорту, паведамляе БелТА.

«Я на сур'ёзных пасадах з таго часу, калі малодшая дачка яшчэ ў школу не хадзіла. Заўсёды, калі мне прапаноўвалі чарговую працу, раілася з мужам. Ён ні разу не сказаў «не», - падзялілася Наталля Качанава.

Яна прызналася, што лічыць сваю сям'ю вельмі дружнай: нягледзячы на тое што члены сям'і жывуць у розных месцах, сустракаюцца пры першай магчымасці. Напрыклад, родны брат Наталлі Качанавай, які ўжо шмат гадоў жыве ў Краснадары, кожны год прыязджае ў Полацк, каб правесці адпачынак. Сама кіраўнік Адміністрацыі таксама стараецца пры любой магчымасці вырвацца ў родны горад, дзе жывуць яе дачка, унучка і бацькі.

У інтэрв'ю Наталля Качанава распавяла, чым любіць займацца ў вольны час. Дома перад сном яна абавязкова знаходзіць час для чытання. «Гэта мая любоў з дзяцінства. Тады былі Дыкенс, руская класіка, якую потым перачытвала ўжо ў іншыя жыццёвыя перыяды. Самым складаным пытаннем пры пераездзе ў Мінск была праблема бібліятэкі. Яна ў нас супольная са старэйшай дачкой. Яна такая ж, як і я: чытае, купляе кнігі. Так што толькі частку перавезла з сабой», — заўважыла яна.

Любімай кнігай, па словах кіраўніка Адміністрацыі прэзідэнта, для яе была і застаецца «Як выхаваць сапраўднага чалавека» Васіля Сухамлінскага. «Я яе ўзахлёб чытала яшчэ ў школе. А цяпер прывезла ў Мінск, каб унукам чытаць. Там вельмі даходліва тлумачыцца, як ставіцца да мамы, радзімы, сям'і», — лічыць яна.

Што тычыцца спорту і здаровага ладу жыцця, Наталля Качанава звярнула ўвагу, што кожную раніцу робіць зарадку, для чаго ў яе ёсць цэлы комплекс практыкаванняў. Зарадку імкнецца не прапускаць, хіба што ў камандзіроўцы. «У маім савецкім дзяцінстве спорт быў дадзенасцю. Трэнеры хадзілі па школах, запрашалі дзяцей у секцыі. Я была худзенькая, мяне ў другім класе паклікалі займацца лёгкай атлетыкай: бег з бар'ерамі. А ў пятым класе я пайшла на валейбол», — дадала кіраўнік Адміністрацыі прэзідэнта.

Паводле яе слоў, спорт — гэта тая частка жыцця, якая падарыла не толькі сяброў, але і каханага чалавека. Са сваім будучым мужам Наталля Качанава пазнаёмілася на спаборніцтвах.

54
Галина Большакова / Адказаць
02.09.2017 / 17:35
У "них" был Карнеги, у нас - Сухомлинский.. Повезло пробивной девочке с мозгами вовремя прочитать правильную книгу. 
3
Верны / Адказаць
02.09.2017 / 17:39
Пачыму ў яе не спыталіся чый Крым?
5
Алег / Адказаць
02.09.2017 / 17:56
Капец. 

Дзякуй хеўры з крамлёўскай канторы за ідэю Вэйшнорыі: зь ёй усё стала на свае месцы. 

Не наша Адміністрацыя, не наша старшыня, не наш урад. Чужыя яны. І самае жахлівае, што гэта вечна патрэбна ўсім даводзіць, ваяваць, спрачацца. 

Іншародныя яны: яна, Шчоткіна, Ліда, Белы Конь. НЕ НАШЫ. А нават, калі й нашы, то грэблівыя нейкія, паскам па сраццы ў дзяцінстве ня бітыя. 

Але асабіста я - тупа стаміўся. Як і стаміўся быць беларускамоўным. Вядома, я не перастану ім быць. Было з-за чаго. Проста гэтая стомленасьць, падзел, паўтарэньне ў кассе ці краме "Запалкі, ёпвашумаць!" - НАДАКУЧЫЛА. 

У Вэйшнорыі ўсё будзе інакш.

Вы самі пасеялі гэтае зерне ў стомленую, але вельмі ўрадлівую глебу.

ПС: і не толькі яны бесяць. Вельмі раздражніла ўчора новая кавярня, якую я ўбачыў на Зыбе: "Маяковский". Што, праўда? Вось абавязкова менавіта так? Маўляў, крута? Як у Маскве, нібыта? Вядома, нармальнай такой - "іншай", але ж Маскве? Ды напішы ты "Гарэцкі"! Карона лясьнецца ці што? А гэтая туса вэганская "Пастернак"? Вось чаму менавіта Пастэрнак?  А "Дубоўка" - слабо? Вядома, што слабо. Таму што праэкт "Іншая - - лепшая - Расея" адбыўся. Мадней, прыгажэй. Нібыта, лепей. Такая сабе, уласна кажучы, "Расейская Рэспубліка", а скарочана "Беларусь". Ёсьць "Расейская Фэдэрацыя", а ёсьць "Расейская Рэспубліка". Ну, як у Кітаі. КНР і Кітайская Рэспубліка "Тайвань". 

Толькі мне гэта сто разоў не здалася. Не маё гэта. Як і многіх іншых. 

Але цяпер ёсьць надзея займець уласны Дом. 
Паказаць усе каментары/ 42 /
Каб пакінуць каментар, калі ласка, актывуйце JavaScript у наладах свайго браўзеру