03.09.2017 / 12:49

У Мінску злавілі дамушніка з торбай адмычак і скрадзеным роварам 2

Супрацоўнікі ўпраўлення крымінальнага вышуку затрымалі 35-гадовага мужчыну адразу пасля таго, як той скраў ровар «Фуджы», паведамляе прэс-служба ГУУС Мінгарвыканкама. Такі ровар каштуе 800 рублёў, ён належыць 50-гадовай жыхарцы Мінска.

Паводле інфармацыі аператыўнікаў, у той дзень зламыснік хадзіў па кватэрах, спадзеючыся ў іх трапіць ды разжыцца чужой маёмасцю. Аднак некалькі спробаў былі няўдалымі, і, каб неяк кампенсаваць правал, мужчына выкраў ровар, які стаяў у пад'ездзе дома па Сморгаўскім тракце (пракруціў замок у тамбуры).

— Адразу ж на выхадзе з пад'езду дамушнік быў затрыманы аператыўнікамі, - распавёў начальнік упраўлення крымінальнага вышуку ГУУС Мінгарвыканкама Віктар Правіла. - Ён і не падазраваў, што ўвесь той дзень знаходзіўся ў полі зроку міліцыянтаў.

Сваё дачыненне да крадзяжу мужчына адмаўляў, казаў, што ўласнік ровара даў яго пакатацца. Пры сабе ў мужчыны была торба з адмычкамі для дзвярэй. Аператыўнікам ён казаў, што і торба не яго — знайшоў у пад'ездзе.

Затрыманага раней ужо судзілі за кватэрныя крадзяжы, цяпер правяраецца яго дачыненне да сямі свежых крадзяжоў у Савецкім раёне Мінска.

Распачатая крымінальная справа.

3
Олег / Адказаць
03.09.2017 / 13:38
Это фигня какая-то. Видел когда в райотдел притащили настоящего домущника, взятого с поличным во время операции, так на столе места едва хватило, когда разложили арсенал, что у него был.
0
пацярпелы / Адказаць
04.09.2017 / 00:18
Сямен з вулицы Адаеускага,што працуе з цыганами па рамонце сьциралак,- во зло...
Каб пакінуць каментар, калі ласка, актывуйце JavaScript у наладах свайго браўзеру