Сярэдні заробак дасягне адзнакі ў тысячу рублёў ужо ў снежні гэтага года, паведаміў у нядзелю ў эфіры перадачы «Галоўны эфір» тэлеканала «Беларусь 1» першы намеснік міністра эканомікі Беларусі Дзмітрый Крутой, піша sputnik.by
«Дасягненне тысячы рублёў — ужо ў снежні гэтага года. У прынцыпе, з камерцыйнага сектара такі ціск з прычыны параметраў заробку ў наступным годзе па вялікім рахунку ўжо здымаецца. А бюджэтны сектар … Тут, вядома, ціск будзе заставацца, бо сярэдні заробак Мінфіна па кансерватыўным сцэнары закладзены памерам ад 700 рублёў. Але зразумела, што ў нас суадносіны, да якіх імкнецца ўрад. 80% паміж бюджэтнай заработнай платай і камерцыйнай мы будзем старацца забяспечыць», - сказаў Дзмітрый Крутой.
Рост заробку ў Беларусі разам з тым магчымы ў цеснай звязцы з павышэннем прадукцыйнасцю працы, заўважыў чыноўнік.
Кажучы пра рубель, спецыяліст заўважыў, што курс яго паслаблення у 2018 годзе прагназуецца ў дыяпазоне 5-6% пры ўзроўні інфляцыі да 7%.
«Тут прамая сувязь з тэмпамі інфляцыі, тэмпамі індэкса росту коштаў. Калі ў нас інфляцыя вызначана на ўзроўні да 7%, то курс паслаблення нашага рубля мы бачым у дыяпазоне 5-6%», - заўважыў прадстаўнік Мінэканомікі.
