ДТЗ з удзелам аўтобуса і двух аўтамабіляў здарылася на вул. Лейтэнанта Кіжаватава раніцай 5 верасня, паведамілі «Мінск-Навіны» ў АДАІ Кастрычніцкага раёна.

- Праехаўшы праз скрыжаванне вул. Сярова і Кіжаватава, аўтобус пад'ехаў да прыпыначнага пункта «Слуцкі Гасцінец». Паводле папярэдняй інфармацыі, калі кіроўца адправіўся адзначаць пуцявы ліст, «МАЗ» пакаціўся наперад і сутыкнуўся з «Ладай». Тая пасунулася і ўдарыла «Кіа», - распавяла старшы інспектар па агітацыі і прапагандзе аддзела ДАІ Кастрычніцкага РУУС Вікторыя Царук.

У выніку дарожна-транспартнага здарэння ніхто не пацярпеў.