Каля 7 гадзіны раніцы ў Ровенскай вобласці на трасе Кіеў — Ковель — Ягадзін адбылося сутыкненне «Опеля Амегі» з грузавіком DAF.
Тут і ніжэй фота: npu.gov.ua
У легкавіку знаходзіліся вядомыя ва Украіне палітолагі і журналісты Аляксандр Маслак, Аляксей Курынной, Аляксандр Ніканораў, Уладзімір Карагяўр, Сяргей Папоў. Яны ехалі ў Кіеў з Варшавы, дзе ўдзельнічалі ў канферэнцыі «Стратэгія супрацоўніцтва дзяржаваў Міжмор'я ва ўмовах гібрыднай вайны». Чацвёра памерлі на месцы, Папоў — у рэанімацыі.
Як паведамляюць украінскія СМІ, машына, у якой знаходзіліся палітолагі, выехала на сустрэчную паласу. «Папярэдняя версія — занос на вялікай хуткасці на мокрай дарозе», — напісаў на сваёй старонцы Юрый Раманенка.
Аляксандр Маслак добра арыентаваўся ў беларускіх рэаліях. Выступаў экспертам у беларускіх СМІ, меў публікацыю ў часопісе «Палітычная сфера».