Інтэрнэт і СМІ5151

На АНТ закрылі ток-шоу Вадзіма Гігіна «Справа прынцыпу»

Ад новага тэлевізійнага сезона на канале АНТ перастае выходзіць штотыднёвае шоу Вадзіма Гігіна «Справа прынцыпу». Перадача цягам апошніх гадоў выходзіла ў эфір па панядзелках а 21 гадзіне пасля вечаровага выпуску «Нашых навін».

«Справа прынцыпу» прыцягвала да сябе ўвагу тым, што Вадзім Гігін запрашаў на праграму людзей розных палітычных поглядаў. Нярэдка гасцямі там былі апазіцыйныя палітыкі, незалежныя палітолагі і эканамісты, журналісты недзяржаўных СМІ. Аднак абавязкова ў перадачах удзельнічалі прарасійскія актывісты, як казацкі «атаман» Пятро Шапко, публіцысты Аляксей Дзерман, Пятро Пятроўскі, заходнерусісты Зелянкоўскі і Бендзін. Гэта выклікала абурэнне шмат у каго.

Паводле неафіцыйнай інфармацыі, Вадзіму Гігіну кіраўніцтвам АНТ было прапанавана не артыкуляваць настолькі выразна прарасійскую пазіцыю падчас перадач. У выпадку ж нязгоды, знайсці больш адпаведную ягоным поглядам пляцоўку. Ёсць імавернасць, што ток-шоу з вядучым Вадзімам Гігіным хутка з’явіцца на тэлеканале «Мір».

«Усе пытанні адносна АНТ накіроўвайце ў прэс-службу АНТ», — адказаў «НН» Вадзім Гігін. Болей размаўляць ён не захацеў.

Прэс-сакратар АНТ да панядзелка знаходзіцца ў адпачынку, а больш на тэлеканале ніхто не дае каментароў.

Вадзім Гігін адначасова з’яўляецца дэканам філасофскага факультэта БДУ. Раней ён быў рэдактарам часопіса «Беларуская думка».

Цяпер на АНТ па панядзелках будзе выходзіць новае шоу — «Наша жыццё». Яго вядучым стане Дзмітрый Бачкоў, які да нядаўняга часу вёў аналагічнае шоу на тэлеканале «Беларусь-1» «Форум». Не так даўно Бачкоў абвесціў аб сваім рашэнні сысці з БТ. Замену на «Беларусь-1» Бачкову пакуль не знайшлі.

Першы запіс новай перадачы прайшоў 8 верасня. Выпуск будзе прысвечаны тэме тэрарызму. З недзяржаўнага сектара прысутнічаў толькі лідар кампаніі «Гавары праўду» Андрэй Дзмітрыеў.

«Бачкоў менш жорсткі вядоўца за Гігіна, больш далікатны. Але было б файна, каб на АНТ было два ток-шоу, а не адно. Яны вельмі розныя людзі, але ў кожнага ёсць свае перавагі», — кажа Дзмітрыеў.

Адрозненні ад «Справы прынцыпу» ў тым, што перадача Гігіна запісвалася каля 1 гадзіны 5 хвілін, таму з яе амаль нічога не выразалася, толькі тэхнічныя агрэхі. Што тычыцца «Нашага жыцця», то яе запіс ішоў каля 2,5 гадзін, у эфір жа пойдуць стандартныя 45—50 хвілін.

Андрэй Дзмітрыеў адзначае, што для «Нашага жыцця» зрабілі досыць якасную новую студыю. «Паставілі ўтульныя крэслы, бо ў «Справе прынцыпу» ты адразу ў іх тапіўся, было нязручна сядзець».

Каментары51

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту

«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту

Усе навіны →
Усе навіны

У Жытоміры прагучаў моцны выбух1

«Ён міністр з часоў нараджэння Хрыстовага і яшчэ ні разу не сказаў нічога вартага». Марк Рутэ без дыпламатыі выказаўся пра Сяргея Лаўрова4

Экс-караля хіп-хопа P. Diddy апраўдалі па абвінавачванні ў гандлі людзьмі. Але яму ўсё адно пагражае 20 гадоў турмы

Генсак НАТА адрэагаваў на рашэнне ЗША прыпыніць частку вайсковай дапамогі Кіеву3

У вёсцы пад Оршай пры падрыхтоўцы да Дажынак знішчылі гістарычныя будынкі3

Санкцыйная палітыка адміністрацыі Трампа дазваляе Расіі папаўняць вайсковы бюджэт3

Муж Маргарыты Ляўчук быў паранены на фронце5

Зяленскі пазбавіў украінскага грамадзянства мітрапаліта УПЦ Ануфрыя5

На мінскай Камароўцы ў два разы патаннелі лісічкі

больш чытаных навін
больш лайканых навін

«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту

«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту

Галоўнае
Усе навіны →

Заўвага:

 

 

 

 

Закрыць Паведаміць