У 2017 годзе ў Беларусі плануюць прышчапіць супраць грыпу не менш за 40% насельніцтва краіны, г.зн. больш за 3,8 млн чалавек, паведамляе Tut.by са спасылкай на сайт Міністэрства аховы здароўя.
Па прагнозах Сусветнай арганізацыі аховы здароўя (СААЗ) у гэтым эпідэмічным сезоне на тэрыторыі Паўночнага паўшар'я будуць цыркуляваць тры штамы віруса грыпу, папярэджвае Міністэрства аховы здароўя.
Адзін з іх новы новы, які раней не цыркуляваў шырока, і імунітэт да яго ў насельніцтва не сфармаваны: A/Michigan/45/2015 (H1N1) pdm09-like virus.
Два штамы віруса аналагічныя леташнім: A / Hong Kong / 4801/2014 (H3N2) - like virus, B / Brisbane / 60 / 2008- like virus (B / Victoria lineage).
У 2017 годзе ў Беларусі бясплатна будуць прышчапляць расійскай вакцынай «Грыпол плюс», а за сродкі прадпрыемстваў, арганізацый і грамадзян - таксама расійскай «Ультравак», нідэрландскай «Інфлювак» і французскай «Ваксігрып». Вакцынацыя павінна завяршыцца да 1 снежня.
