12.09.2017 / 09:51

У Брэсце высветлілі асобу знойдзенай 14 гадоў таму жанчыны: яе забілі «чорныя рыэлтары» з Курска 3

Брэсцкія следчыя раскрылі справу аб забойстве жанчыны, чыё разрубленае цела было знойдзена 14 гадоў таму ў Брэсцкім раёне, паведаміў на прэс-канферэнцыі 11 верасня начальнік упраўлення Следчага камітэта па Брэсцкай вобласці Аляксандр Рахманаў, паведамляе tut.by.

Падчас вышуковых мерапрыемстваў і следчых дзеянняў было выяўлена, што пацярпелай з'яўляецца 37-гадовая жыхарка Расійскай Федэрацыі, якая пражывала ў Маскве. Па дадзеных следства, жанчына вяла асацыяльны лад жыцця.

Брэсцкія следчыя запатрабавалі з Расіі неабходныя дакументы, вывучыўшы якія вылучылі версію пра тое, што яна стала ахвярай «чорных рыэлтараў» з Курска, аднаму з якіх цяпер 35 гадоў, другому — 39.

«Пад маркай абмену жылля яны завалодалі кватэрай і потым запрасілі яе ў Брэст адпачыць. Тут яны здзейснілі забойства, а труп разрубілі. Пасля чаго яны вярнуліся ў Расійскую Федэрацыю», — паведаміў Аляксандр Рахманаў.

Як удакладніў начальнік абласнога ўпраўлення, злачынства ўдалося раскрыць дзякуючы садзейнічанню калегаў з Расеі. Дадзенае забойства аказалася не адзіным у іх спісе. Цяпер абодва падазраваныя знаходзяцца ў турмах. У 2014 годзе іх прызналі вінаватымі ў забойстве, якое яны здзейснілі ў 2005 годзе. Тады злачынная група такім жа чынам адабрала кватэру ў інваліда, забіла яго і вывезла ў Арлоўскую вобласць. Абвінавачаным прызначылі ад 12 да 18 гадоў пазбаўлення волі, паведамляла РІА «Новості».

0
Гарадзенец / Адказаць
12.09.2017 / 11:01
гэта маем дзякуючы "саюзу" з Расеяй ...
0
Маклай / Адказаць
12.09.2017 / 14:08
лукашенко, "ЭЩо шЫрЭ" открой границу с россией!
0
lazy-bones / Адказаць
13.09.2017 / 11:26
нє раскрилі, а атрималі інфу з рф...
Каб пакінуць каментар, калі ласка, актывуйце JavaScript у наладах свайго браўзеру