12.09.2017 / 16:00

Хто такі Дзмітрый Лемяшонак? Чалавек у майцы «ДНР», блізкі да жаночага манастыра ў Навінках 77

Свята-Елізавецінскі жаночы манастыр, які месціцца на ўскрайку Мінску, ля Навінак, прыцягнуў да сябе ўвагу выступам «падпалкоўніка расійскага ГРУ» Антона Маншына. На сустрэчы было каля сотні чалавек, у тым ліку і манашкі.

«Хутка нашу Радзіму, якая называецца Святая Русь — без падзелу на Белую, Малую і Вялікую, — чакае сур’ёзнае выпрабаванне вайной. Нашым мужчынам, прысутным тут, гэтая інфармацыя асабліва спатрэбіцца. Бо я ўпэўнены, што яны возьмуць у ёй удзел», — казаў Маншын, што сустракала захапленне сярод манашак.

Пазней рэдактарка сайта Свята-Елісавецінскага манастыра інакіня Іаанна сказала, што запрашэнне Маншына было іх памылкай, хаця яна і не ведае, адкуль вайсковец узяўся.

Варта адзначыць, што Маншын зусім не адзіны дзіўны персанаж, які круціцца вакол Свята-Елісавецінскага манастыра.

На шматлікіх фатаздымках з падвор’я ў Навінках прысутнічае 40-гадовы Дзмітрый Лемяшонак. Лысы, барадаты мужчына, нярэдка адзеты ў майкі «Данецкай народнай рэспублікі» ці мінскага «Дынама».

Дзмітрый Лемяшонак — гэта сын протаіерэя Андрэя Лемяшонка, які з’яўляецца духоўнікам Свята-Елісавецінскага манастыра. Сын — вельмі часты госць у абіцелі.

Дзмітрый (злева) і Андрэй Лемяшонкі.

Ён часта з’яўляецца на манастырскім падвор’і, у самім храме, фатаграфуецца з манашкамі. Прычым Лемяшонак-малодшы не надта хавае свае палітычныя погляды. Найчасцей на ім майкі з выявай герба «ДНР» і «Белая Русь», ці спартовая масцерка з надпісам Russia.

Старонкі Лемяшонка ў сацыяльных сетках поўняцца перадрукамі аб змаганні супраць «карнікаў» у Данецку і Луганску, а таксама выяваў праваслаўных святых і старцаў. Асаблівы піетэт Лемяшонак адчувае да Сербскай праваслаўнай царквы, здзяйсняе паломніцтвы ў тыя мясціны.

Дзмітрый Лемяшонак быў адным з заснавальнікаў сучаснага фанацкага руху мінскага «Дынама». У той час ён прытрымліваўся радыкальных неанацысцкіх поглядаў. Яшчэ і цяпер на ягонай старонцы ў «Аднакласніках» можна сустрэць водгулле тых перакананняў.

Цяпер Лемяшонак фактычна з'яўляецца персонай нон-грата для фанатаў «Дынама». Ніякага дачынення да сённяшняга фан-руху ён мае.

Праз нейкі час Лемяшонак стаў «праваслаўным актывістам», пры гэтым захаваўшы свае абсалютна прарасійскія перакананні. Лемяшонак быў адным з тых, хто збіваў маладафронтаўца Мікалая Дземідзенку падчас сустрэчы ў «Доме Масквы» ў Мінску з расійскім чарнасоценскім пісьменнікам Мікалаем Старыкавым.

Нярэдка Лемяшонак фігуруе на фатаздымках падчас казацкіх сходак, на якіх у тым зафіксаваны так званы «атаман» Пятро Шапко.

Цяпер жа найчасцей Дзмітрый Лемяшонак у суправаджэнні свайго бацькі і манахінь Елісавецінскага манастыра здзяйсняе паломніцтвы ў Расію і Сербію.

Протаірэй Андрэй Лемяшонак падчас сустрэчы ў манастыры з былым ГРУшнікам Антонам Маншыным быў на адпачынку ў Чарнагорыі.

Зміцер Панкавец

13
Лявон / Адказаць
12.09.2017 / 16:08
Дзякуй, што не спыняеце свае расследванні. Яшчэ шмат такіх дзеячоў і такіх прыстанішч можна выкраць у Мінску і пад Мінскам!
16
Беларус з-за мяжы / Адказаць
12.09.2017 / 16:10
На спитого Ленина зело похож
13
Кaжымa прaўду / Адказаць
12.09.2017 / 16:10
Youtube-канал «Свято-Eлисаветинский монастырь». Антыўкраінская прапаганда: «Порошенки, Турчиновы, Яценюки – преступники»

Донбасские рассказы: отец Александр Намоконов
https://www.youtube.com/watch?v=PkOMkxKq5xs

Паказаць усе каментары/ 77 /
Каб пакінуць каментар, калі ласка, актывуйце JavaScript у наладах свайго браўзеру