13.09.2017 / 14:23

Двое выкладчыкаў з Пінска бралі хабар прадуктамі 6

Двое выкладчыкаў Беларускай дзяржаўнай сельскагаспадарчай акадэміі асуджаныя за хабар, паведаміла карэспандэнту БелТА старшы пракурор аддзела пракуратуры Брэсцкай вобласці Кацярына Пакала. Выяўлена, што мужчыны 57 і 63 гадоў неаднаразова прымалі прадукты ад студэнтаў-завочнікаў Пінскага філіяла сельгасакадэміі за здачу экзаменаў і залікаў.

Даказаны чатыры такія эпізоды на агульную суму больш за Br268. Суд Пінска і Пінскага раёна прызнаў выкладчыкаў вінаватымі па ч.2 арт.430 (атрыманне хабару групай асоб паўторна) Крымінальнага кодэкса. Адзін з фігурантаў прыгавораны да чатырох гадоў пазбаўлення волі з адтэрміноўкай выканання пакарання на тры гады, другі — да трох гадоў пазбаўлення волі з адтэрміноўкай выканання на два гады. Таксама яны пазбаўленыя права займацца педагагічнай дзейнасцю.

У ходзе судовага працэсу абвінавачаныя добраахвотна пакрылі суму. Акрамя таго, па рашэнні суда ў абодвух канфіскавана маёмасць. Адзін з абвінавачаных абскардзіў прысуд, не прызнаўшы сябе вінаватым. Аднак 12 верасня судовая калегія па крымінальных справах суда Брэсцкай вобласці пакінула скаргу без задавальнення, канкрэтызаваўшы пры гэтым дадатковае пакаранне ў выглядзе пазбаўлення права займацца педагагічнай дзейнасцю, «звязанай з прыёмам экзаменаў і залікаў». Прысуд уступіў у законную сілу.

1
Между протчым / Адказаць
13.09.2017 / 14:50
Нічога сабе! Нават з канфіскацыя маёмасці.
0
Маклай / Адказаць
13.09.2017 / 15:36
А что делать с теми такими, кто принимает "подарки" в виде "Майбахов"?! Несправедливость просто Фантастическая! 23 года одна сплошная "чЭстность" (пишу на трасянке) и вот такое избирательное "правосудие"! Ужасно Мерзко всё это...
0
А хто герой Паулiк / Адказаць
13.09.2017 / 15:39
Cдау сквапны гультай [ экзамен ]
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру