13.09.2017 / 17:23

Ізраіль выступіў за стварэнне курдскай дзяржавы 16

Ізраіль падтрымлівае імкненне курдскага народа стварыць уласную нацыянальную дзяржаву, заявіў прэм'ер-міністр Ізраіля Біньямін Нетаньяху.

На 25 верасня ў Іракскім Курдыстане прызначаны рэферэндум аб незалежнасці, паведамляе ВВС.

«Ізраіль падтрымлівае законныя намаганні курдскага народа па здабыцці дзяржаўнасці», — сказаў Нетаньяху.

Ізраіль падтрымлівае ваенныя і дзелавыя сувязі з курдамі з 1960-х гадоў, разглядаючы гэтую этнічную групу, прадстаўнікі якой пражываюць у Іраку, Турцыі, Сірыі і Іране, як буфер ў адносінах з арабамі, піша агенцтва Ройтэрз.

Напярэдадні лідар іракскага курдскага парламента Масуд Барзані заявіў, што будзе настойваць на правядзенні рэферэндуму 25 верасня, нягледзячы на тое, што ў Багдадзе настойваюць на яго незаконнасці.

Прадстаўнікі заходніх краін занепакоеныя тым, што плебісцыт у самаабвешчаным іракскім Курдыстане, які ўключае ў сябе нафтавы Кіркук, можа адцягнуць увагу ад барацьбы з баевікамі групоўкі «Ісламская дзяржава».

Нетаньяху заўважыў, зрэшты, што Рабочую партыю Курдыстана (Турцыя) Ізраіль лічыць тэрарыстычнай групоўкай — у гэтым сэнсе пазіцыя Ізраіля супадае з пазіцыяй Турцыі, ЗША і Еўрапейскага саюза.

У той жа час адзін з прадстаўнікоў ізраільскага ваеннага камандавання заявіў на мінулым тыдні, што асабіста ён не лічыць РПК тэрарыстамі.

Нетаньяху казаў аб сваёй падтрымцы курдскага суверэнітэту яшчэ ў 2014 годзе. Цяперашнія яго выказванні можна расцэньваць як больш канкрэтны доказ падтрымкі Ізраілем стварэння дзяржавы курдаў.

Аднак наўрад ці яго новая заява растопіць лёд у Багдадзе, які не мае дыпламатычных адносін з Ізраілем і падтрымлівае блізкія адносіны з Іранам.

Суседзі Ірака — Турцыя, Іран і Сірыя — выступаюць супраць курдскага рэферэндуму аб суверэнітэце, асцерагаючыся росту сепаратысцкіх настрояў сярод курдаў, якія жывуць на сваёй тэрыторыі.

Курды выступаюць за стварэнне ўласнай дзяржавы з канца Першай сусветнай вайны і распаду Асманскай імперыі.

5
Кaжымa прaўду / Адказаць
13.09.2017 / 18:04
Няхай жывуць нацыянальныя дзяржавы!

ВКЛ – БНР – РБ. Повязь часоў у памкненні беларускага народа да самавызначэння.
4
lazy-bones / Адказаць
13.09.2017 / 18:05
жиди гетак сцуцца узмацнєньня шиіцкага руху гезболла і таму шукаюць хаурусьнікау... нават ердоґана нє збаяліся...
8
Дзядзька / Адказаць
13.09.2017 / 18:06
А за Палестинскую слабо выступить?
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру