14.09.2017 / 06:35

Пачаліся беларуска-расійскія вучэнні «Захад-2017» 28

Яны пройдуць з 14 па 20 верасня.

ТАСС

«У аснову практычных эпізодаў падчас вучэнняў «Захад-2017» пакладзены варыянты сумесных дзеянняў беларускіх і расійскіх частак у сістэме рэгіянальнай групоўкі войскаў, у прыкрыцці ўчасткаў дзяржаўнай мяжы, ахове і абароне ваенных аб'ектаў, блакаванні і ліквідацыі дыверсійна-разведвальных груп і незаконных узброеных фарміраванняў, а таксама падпарадкавання абарончага бою», - адзначыў учора на брыфінгу прадстаўнік Міністэрства абароны Беларусі — памочнік міністра абароны па пытаннях міжнароднага ваеннага супрацоўніцтва Алег Воінаў, піша БелТА.

На вучэннях будуць задзейнічаны палігоны Барысаўскі, Даманаўскі, Ружанскі, Лепельскі, Ласвіда, Асіповіцкі, а таксама два ўчасткі мясцовасці ў Віцебскай вобласці — Дрэтунь і Глыбокае.

Пры вызначэнні раёнаў практычных дзеянняў войскаў былі прынцыпова выбраны палігоны, якія знаходзяцца на значнай адлегласці ад мяжы з Украінай, Польшчай, Літвой і Латвіяй, асабліва падкрэсліў памочнік міністра абароны.

Таксама вучэнні будуць праводзіцца на трох палігонах у Расіі. 

Мінабароны абяцае поўную галоснасць вучэнняў і штовечар ладзіць брыфінг.

Раней паведамлялася, што Лукашэнка і Пуцін наведаюць вучэнні, але зробяць гэта на палігоне ў Расіі.

***

«Захад-2017» пройдзе 14-20 верасня на тэрыторыі Беларусі і трох палігонах Расіі з удзелам 12,7 тыс. вайскоўцаў. Пры гэтым у Беларусі будзе задзейнічана каля 10,2 тыс. чалавек, 370 адзінак бранятанкавай тэхнікі, у тым ліку каля 140 танкаў. Таксама будзе выкарыстана да 150 адзінак артылерыі і рэактыўных сістэм залпавага агню, больш за 40 самалётаў і верталётаў.

9
Пан Алесь з Жухавіч / Адказаць
14.09.2017 / 08:49
Вейшнорыя пераможа!
5
Kastys / Адказаць
14.09.2017 / 09:05
Ну што, паважаныя Беларусы?! Трымаем порах сухiм. ЖЫВЕ БЕЛАРУСЬ!!!
33
ага / Адказаць
14.09.2017 / 09:14
Часы кликуш пробили!  Наконец-то время "Ч" наступило! Без громогласных заявлений сойма кахэпэ о общечеловеческой катастрофе никак не обойтись. Прильните, граждане и гражданки, к ламповым радиоприемникам - будет Слово Пастыря из Бруклина... После учений всё это будет уже неактуально и совершенно забудется. Но сейчас время истеризма!  
Паказаць усе каментары/ 28 /
Каб пакінуць каментар, калі ласка, актывуйце JavaScript у наладах свайго браўзеру