14.09.2017 / 09:21

Рэйс «Белавія» Батумі — Мінск затрыманы з-за дрэннага надвор'я

Рэйс Батумі — Мінск авіякампаніі «Белавія» затрыманы з-за неспрыяльных метэаўмоў.

«Рэйс затрыманы з-за неспрыяльных метэаўмоў у аэрапорце Батумі. Там назіраецца моцны бакавы вецер — больш за 6 м/с», - растлумачылі ў прэс-службе.

Пакуль невядома, калі самалёт зможа вылецець. «Чакаем, пакуль не зменяцца ўмовы надвор'я», — сказалі ў прэс-службе.

Рэйс B2-738 Батумі — Мінск павінен быў прыбыць у беларускую сталіцу ў 7.15 па мясцовым часе.

Каб пакінуць каментар, калі ласка, актывуйце JavaScript у наладах свайго браўзеру