Аляксандр Лукашэнка раскрытыкаваў якасць прагнозаў надвор'я, якія знаходзяцца ў падпарадкаванні дэпартамента па гідраметэаралогіі Міністэрства прыродных рэсурсаў і аховы навакольнага асяроддзя. Аб гэтым кіраўнік дзяржавы заявіў сёння, прызначаючы на пасаду міністра Андрэя Худыка.
«Іх прагнозы часам не тое што чытаць … Часам, прачытаўшы, хочацца, каб наогул нічога там не прагназавалі. Там больш за тысячу чалавек. Займіцеся гэтай структурай і навучыцеся працаваць у структуры — зусім невялікая - у нашай арміі ёсць (у ВПС і войсках СПА) — на трое сутак інфармацыя па гадзінах, і ні разу не памыляліся», — сказаў ён.
«І калі я чытаю вашу інфармацыю, а я кожны дзень яе атрымліваю, у мяне жаданне проста разагнаць гэтую арганізацыю. Калі не ўмееце працаваць, звяжыцеся з ваеннымі ўжо, навучыцеся ў іх працаваць», - дадаў беларускі кіраўнік.
Цяпер чытаюць
Ціханоўскі — беларусам: «Калі вы чакалі знак, то вось ён». Праходзіць прэс-канферэнцыя з вызваленымі палітвязнямі17
Каментары