Дажджы і навальніцы чакаюцца ў Беларусі 18 верасня, паведамілі БелТА ў Гідраметцэнтры.
У панядзелак будзе воблачна з праясненнямі. На большай частцы тэрыторыі пройдуць дажджы, ноччу і раніцай прагназуюцца навальніцы. Вецер усходні з пераходам на заходні, моцны парывісты.
Тэмпература паветра на працягу сутак складзе 12-18 градусаў вышэй за нуль, днём на паўднёвым усходзе будзе плюс 19-22 градусы.
На паўночным захадзе краіны чакаюцца моцныя дажджы. У многіх раёнах прагназуецца ўзмацненне ветру парывамі да 15-20 м/с, раніцай і днём па заходняй палове — да 21-24 м/с. У сувязі з гэтым абвешчаны аранжавы ўзровень небяспекі.
0
0
0
0
0
0
