Пераразлік працоўных пенсій будзе зроблены ў гэтым годзе, але рашэнне пра яго тэрміны і памеры павышэння пакуль не прынята.
Пра гэта паведаміў намеснік міністра працы і сацыяльнай абароны Валерый Кавалькоў на анлайн-канферэнцыі на сайтах БЕЛТА і міністэрства.
Кавалькоў растлумачыў, што працоўныя пенсіі ў адпаведнасці з заканадаўствам пераразлічваюцца ў сувязі з ростам сярэдняга заробку не менш як адзін раз у год у межах сродкаў бюджэту фонду сацыяльнай абароны насельніцтва. Пераразлік працоўных пенсій праводзіцца на падставе указаў кіраўніка краіны.