Участак вуліцы Леніна будзе перакрыты ў Мінску заўтра 22 верасня, паведамілі БЕЛТА ў ДАІ Мінска.
Рух будзе закрыты ў абодвух напрамках з 6.00 да 24.00 на ўчастку вуліцы Леніна ад праспекта Незалежнасці да вул. Кірава. Будзе арганізаваны аб'езд па вуліцы Энгельса ад Кірава да вул. Карла Маркса, а таксама па іншых сумежных вуліцах.
22 верасня на вуліцы Леніна ад праспекта Незалежнасці да вуліцы Кірава пройдзе экалагічная акцыя «Дзень без аўтамабіля», прысвечаная Еўрапейскаму тыдню мабільнасці. У 21.00 адбудзецца велапрабег па праспекце Незалежнасці да Нацыянальнай бібліятэкі.