22.09.2017 / 17:27

У Пружанах кот выратаваў шэсць чалавек 16

Надзвычайнае здарэнне адбылася 20 верасня ў адным са шматкватэрных дамоў у Пружанах, паведамляюць «Раённыя Будні». 

У чатыры гадзіны ночы дыспетчар цэнтра аператыўнага кіравання райаддзела па надзвычайных сітуацый атрымаў трывожны выклік: гарэў жылы чатырохкватэрны дом па вуліцы Свабоды. Калі пажарныя прыехалі на месца здарэння, то ўбачылі, што агонь поўнасцю ахапіў веранду першай кватэры, перакінуўся на такую ж драўляную прыбудову другой кватэры і на агульны дах будынка. З агню выратавальнікі вынеслі траіх жыльцоў — двух састарэлых бацькоў, аднаму з якіх было цяжка рухацца без дадатковай дапамогі, і іх нецвярозага сына 1969 г.н. Выйсце было заблакаванае агнём, і пацярпелых выцягвалі з акна. Таксама пажарныя дапамаглі пакінуць памяшканне жыльцам з другой кватэры — маці з пяцігадовым сынам і гадавалай дачкой.

Як расказвае гаспадыня кватэры, адкуль пайшоў агонь, а потым прызнаўся сам яе сын, у якога потым у крыві было выяўлена 1,8 праміле алкаголю, хутчэй за ўсё, першай загарэлася канапа, што стаяла на іх верандзе. Жанчына перад сном выходзіла на вуліцу і заўважыла, што з яе ідзе дым. Дагэтуль там курыў сын, і непатушаны акурак запаліў мэблю. Гаспадыня паліла канапу вадой і вырашыла, што справілася з узгараннем.

Каля чатырох гадзін ночы ў суседзяў узняўся кот, пачаў галасіць і пабудзіў гаспадароў. Хутка было выяўлена, што так ён зрэагаваў на дым, які пранік у суседнюю кватэру. Як сцвярджаюць самі пажарныя, «подзвіг» жывёлы дапамог выратаваць жыцці шасці чалавек.

У выніку пажару агнём пашкоджаныя абедзве веранды і агульны дах будынка.

11
студэнт / Адказаць
22.09.2017 / 17:58
То кошка, то котка... Па-беларуску пішыце "кот", калі зараньнёў невядомая або ня важная палавая прыналежнасьць жывёлы.
4
Вадзім / Адказаць
22.09.2017 / 18:45
студэнт,+1
У беларускіх казках/калыханках спрэс кот/каток. Мышка за кошку - гэта расійскае.
2
ягер / Адказаць
22.09.2017 / 18:51
И это не единичный случай....Скептики конечно-же заявят - перестаньте нести чушь, совпадение....Да нет, не совпадение. Они, для тех, кто не понимает, к нам приставлены, и соответственно выполняют некоторые функции по защите, охране и лечении от дурных мыслей. А многие, не понимающие этого их на вилы, на отраву, душат, режут. И государство подливает огонь в фейки о полчищах блох и массы фекалий....И тоже душит..... Респект котэ, респект НН, что считают и темы о братьях наших меньших как неотьемлемую часть новостей.
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру