25.09.2017 / 16:28

Так выглядаюць бункеры для мільярдэраў ФОТА 8

Амерыканская кампанія Vivos займаецца вытворчасцю высокатэхналагічных бункераў для мільярдэраў, якія хочуць выжыць у выпадку катастрофы, але не жадаюць расставацца з раскошным ладам жыцця.

Велізарная лаўнж-зона, басейн і кінатэатр — такога не ўбачыш у тыповых бункерах. Аднак некаторыя мільярдэры гатовыя траціць сродкі на раскошныя прыстанішчы, у якіх яны разлічваюць ратавацца, калі наступіць канец свету.

Што б ні здарылася ў свеце — зомбі-апакаліпсіс ці ядзерная вайна — заможныя людзі заўсёды змогуць схавацца ў надзейных элітных бункерах, якія размешчаныя у розных кропках свету.

Rising S Company, адна з фірмаў, якія займаюцца будаўніцтвам бункераў ў ЗША, заўважыла, што сёлета попыт на бункеры вырас на 200% у параўнанні з мінулым годам. Яе кіраўнік Гары Лінч растлумачыў, што збольшага гэта можа быць звязана з ростам заклапочанасці амерыканскіх грамадзян з нагоды ваенных выпрабаванняў у Паўночнай Карэі.

«Цяпер пагроза вайны з Іранам ці Паўночнай Карэяй стала больш рэальнай, — сказаў ён. — У Паўночнай Карэі вельмі безразважны лідэр. Яму трэба забараніць доступ да міжкантынентальных балістычных ракет, якія могуць даляцець да ЗША і нашых саюзнікаў. Многіх усё гэта вельмі непакоіць».

Кампанія Vivos будуе прасунутыя бункеры, якія, як сказана на яе сайце, «здольныя вытрымаць ядзерны выбух». Адзін з самых папулярных бункераў кампаніі знаходзіцца ў штаце Індыяна і «нагадвае камфартабельны чатырохзоркавы гатэль», у якім ёсць кінатэатр, абсталяванне для спартовых трэніровак, геатэрмальнае ацяпленне і гадавы запас паліва.

Іншы бункер Vivos Europa One у часы Халоднай вайны быў савецкім. Зараз ён належыць прыватнай асобе і выглядае, як раскошны маёнтак з 34 жыллёвымі комплексамі, прычым плошча кожнага з іх складае каля 232 квадратных метраў. Унутры ёсць кінатэатр, басейн, спартзала і раскошныя ванныя.

Яшчэ адзін элітны бункер Survival Condo Project уяўляе сабой 15-павярховы жылы падземны комплекс у Канзасе. Паводле сайта кампаніі, гэты ўмацаваны прытулак зможа перажыць ядзерную вайну і эпідэмію.

2
Ганьба прагніўшаму палітбюро! / Адказаць
25.09.2017 / 16:43
Цікава, Кіму ідуць адкаты?
0
Змагар / Адказаць
25.09.2017 / 16:47
Обидно будет, если не успеешь добежать)
0
Lucian / Адказаць
25.09.2017 / 17:24
При ядерной войне эти бункеры не помогут. В спецбункерах очень интересная и мощная система фильтрации воздуха и кондиционирования, а также биосфера с замкнутым циклом (лес, гидропоника, болото и т.д.). И такая система фильтрации стоит как полбункера.  Единственный плюс в вышеперечисленном - геотермальное отепление, но лучше бы к просто отеплению добавили и термогенератор электричества.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру