25.09.2017 / 16:40

Ток-шоу Гігіна перакачавала з АНТ на тэлеканал «саюзнай дзяржавы» 20

У пачатку верасня «Наша Ніва» пісала аб тым, што тэлеканал АНТ прыняў рашэнне закрыць ток-шоу Вадзіма Гігіна «Справа прынцыпу». На яго месцы па панядзелках цяпер выходзіць перадача «Наша жыццё» з Дзмітрыем Бачковым.

Па непацверджанай інфармацыі, кіраўніцтва АНТ незадаволела тое, што Гігін занадта адкрыта дэманструе падчас шоу сваю пазіцыю. У выніку вядучаму было прапанавана або змяніць стыль вядзення шоу, альбо пашукаць больш адпаведную для сябе пляцоўку.

У выніку Гігін знайшоўся на тэлебачанні «саюзнай дзяржавы». Першае шоу з назвай «Ёсць пытанне» выйдзе ў эфір у чацвер а 20:05 на тэлеканале «Саюз» (ад 25 верасня ён называецца БелРасТБ). У Беларусі перадачы запісваюцца на базе тэлеканала «Мір».

Намеснік старшыні Ліберальна-дэмакратычнай партыі Алег Гайдукевіч напісаў у фэйсбуку, што асаблівасцю «Ёсць пытанне» з’яўляецца вялікая колькасць запрошаных з Расіі гасцей. Першая праграма будзе прысвечаная вучэнням «Захад-2017».

Вадзім Гігін ад мінулага года з’яўляецца дэканам факультэта філасофіі і сацыяльных навук БДУ. Да гэтага ён працаваў у прэс-службе генеральнай пракуратуры (падначаленым прапагандыста Юр’я Азаронка), быў першым сакратаром Мінскай гарадской арганізацыі БРСМ. А таксама на працягу васьмі гадоў узначальваў часопіс «Беларуская думка». Гігін вядомы сваімі прарасійскімі поглядамі.

Зміцер Панкавец

1
Мікола / Адказаць
25.09.2017 / 16:57
Тэлеканал называецца "ТРО Союза". А "Союз" - гэта праваслаўны тэлеканал.
1
Мікола / Адказаць
25.09.2017 / 17:27
Параўнайце дыяпазон поглядаў гасцей у Гігіна і зараз у Бачкова - і не пішыце больш гэтую лухту пра "кіраўніцтва АНТ незадаволела тое, што Гігін занадта адкрыта дэманструе падчас шоу сваю пазіцыю".
1
мазайка лукаморская / Адказаць
25.09.2017 / 17:34
І з дэканаў ... мятлой!
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру