Арслан Валееў з жонкай.
Чорная мамба — самая атрутная змяя ў свеце нароўні з сетчатай карычневай змяёй. Яе ўкус смяротны для чалавека, калі своечасова не ўвесці антыдот. Арслан Валееў атрымаў укус менавіта гэтай змяі, перадаюць расійскія СМІ.
У ноч на 23 верасня ў жывым эфіры блогер распавядаў пра чорную мамбу, якая ў нейкі момант нанесла яму ўкус. Падпісчыкі, якія назіралі за жывым эфірам, выклікалі хуткую дапамогу.
Лекары адвезлі Арслана ў бальніцу ў крытычным стане. Медыкі зрабілі ўсё магчымае, але выратаваць натураліста ім не ўдалося.
Чорная мамба.
Паведамляецца, што спрэчка Валеева з былой жонкай прывяла блогера ў моцнае засмучэнне. Ён раўнаваў дзяўчыну, аднойчы нават нібыта дазволіў сабе падняць на яе руку (так, ва ўсякім выпадку, сцвярджае сама былая жонка, даказваючы свае словы медыцынскімі дакументамі). Пазней Арслан апублікаваў у адной са сваіх груп публічны зварот да Кацярыны Пятыжкінай, у якім папрасіў у яе прабачэння за ўсё зробленае.
«Перад табой ужо не раз прасіў прабачэння. Папрасіў прабачэння і публічна. Перад публікай таксама прашу прабачэння, я не робат для ўборкі за жывёламі і генерацыі відэа, я чалавек, даволі слабы характарам», — напісаў блогер напярэдадні сваёй гібелі ў эфіры.
Нязменны тэлевядучы праграмы «У свеце жывёл» Мікалай Драздоў пракаментаваў трагедыю. Паводле яго словаў, у жывым эфіры ўвага губляецца, а чорная мамба — змяя хуткая і бязлітасная.
Драздоў і Валееў на адной з тэлеперадач
«У жывым эфіры губляеш увагу, адцягваешся на здымку. Вельмі небяспечна. Мяне адзін раз укусіла змяя, на здымках гадзюка была, праляжаў у бальніцы. У эфіры лепш са змеямі не выступаць. Мамба — вельмі спрытная і хуткая, кусае імгненна», — заявіў Драздоў.
Прапануем вашай увазе апошнія відэа з каналаў «БобКэт ТВ» і «Прыватны экзатарыум», зробленыя Арсланам.
