Адкрываем таямнічыя грыбы Беларусі — зірніце, якая цікавая грыбная кветка 1
«Надакучылі фота грыбных экспансій і татальных набегаў у лясныя нетры. Адно і тое: вёдры і кошыкі з баравікамі, лісічкамі, падбярозавікамі… Я абяцаў, што болей посціць грыбы не буду, бо не мае сэнсу. Усё адно ніхто не пераплюне. Пачынаю новы праект — самыя рэдкія і таямнічыя грыбы Беларусі. У мяне іх трохі ёсць», — напісаў паэт і дасведчаны грыбнік Сяргей Сыс у фэйсбуку. А мы з яго згоды дзелімся цікавінкамі на «Нашай Ніне».
Знаёмцеся! Helvella crispa, альбо Лопаснік кучаравы. Грыбная кветачка. Часам сустракаецца ў беларускіх лясах у канцы мая або сярэдзіне верасня. Умоўна ядомы: трэба хвілін 15-20 адварваць, альбо сушыць. У самой назве тоіцца небяспека — Helvella, што значыць «гельвелавыя, страчковыя».
